ސިނަމާލެ ބްރިޖު ލައިޓް ކައިރީ އެކްސިޑެންޓެއް ހިންގާ ތިން މީހަކަށް އަނިޔާ ވެއްޖެއެވެ.

މިކަމާ ގުޅިގެން ފުލުހުން ހާމަކޮށްފައިވާ ގޮތުގައި ބްރިޖު ލައިޓް ކައިރިން ދެ ސައިކަލެއް ޖެހި އެކްސިޑެންޓެއް ހިނގާފައިވާ ކަމުގެ ރިޕޯޓު ފަތިހު 5:26 ހާއިރު ފުލުހުންނަށް ލިބިފައިވާ ކަމަށެވެ.

މި އެކްސިޑެންޓް ގައި ތިން މީހަކަށް އަނިޔާވި ކަމަށާ އެއީ ޒުވާން ފިރިހެނަކާއި އަންހެނެއްގެ އިތުރުން މެދު އުމުރުގެ ފިިރިހެނަކަށް ކަމަށްވެސް ފުލުހުން ހާމަކޮށްފައިވެއެވެ.

އެ މީހުންގެ ތެރެއިން 19 އަހަރުގެ ފިިރިހެންް މީހާއާއި 21 އަހަރުގެ އަންހެން މީހާއަށް އައިޖީއެމްއެޗްގައި ދަނީ ފަރުވާ ދެމުންނެވެ. އަނެއް ސައިކަލު ދުއްވި 43 އަހަރުގެ ފިރިހެން މީހާއަށް ފަރުވާ ދެނީ އޭޑީކޭގަ އެވެ.

ފުލުހުން ބުނީ އެކްސިޑެންޓްގެ މި މައްސަލަ ތަހުގީގު ކުރަމުންދާ ކަމަށެވެ.