ޕްރޮސެކިއުޓާ ޖެނެރަލް (ޕީޖީ)ގެ މަގާމަށް ސަރުކާރުން ގެންނަން އުޅޭ އެއް ބޭފުޅަކީ ރައްޔިތުންގެ މަޖިލީހުގެ ރައީސް އަބްދުއްރަހީމް (އަދުރޭ) ގެ ދަނބިދަރިއެއް ކަމަށް ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެ އެވެ.

ރައީސް ޔާމީން މިފަދައިން ވިދާޅުވެފައި ވަނީ އާދިއްތަ ދުވަހުގެ ރޭ ފްރޮންޓް އޮފީހުގައި އޮތް ޖަލްސާގައި އެވެ.

ރައީސް ޔާމީން ވިދާޅުވީ އާ ޕީޖީއަކު އައްޔަންކުރުމުގެ މައްސަލައިގައި ސަރުކާރު އޮތީ "ދެ ކަފި ނޫނީ ތިން ކަފިވެފައި" ކަމަށެވެ.

އެގޮތުން ރައީސް ޑރ. މުޙައްމަދު މުޢިއްޒުގެ ފަރާތުން އެ މަގާމަށް ކުރީގެ ޕީޖީ، މުހުތާޒު މުހުސިން އައްޔަނު ކުރުމަށް މަސައްކަތް ކުރަމުންދާ ކަމަށް ވެސް ރައީސް ޔާމީން ވިދާޅުވިއެވެ.

ރައީސް ޔާމީން ވިދާޅުވީ އަދުރޭ އަދި މުއިއްޒުވެސް ޕީޖީގެ މަގާމަށް އެމީހުން ބޭނުން މީހަކު ގެންނަން އުޅެނީ އެމީހުން ހިންގި ޖަރީމާތަކަށް ފަސްއެޅުމުގެ ނިޔަތުގައި ކަމަށެވެ.