ކޯންފްލޭކްސް ފޮއްޓެއްގައި ރާއްޖޭން ބޭރުކުރަން އުޅުނު 80,000 އަށްވުރެ ގިނަ ޑޮލަރު އޭވިއޭޝަން ސެކިއުރިޓީ ކޮމާންޑުން އަތުލައިފި އެވެ.

މި މައްސަލައާ ގުޅިގެން ހައްޔަރުކުރީ ބަންގްލަދޭޝްގެ ރައްޔިތެކެވެ. އޭނާ ދަތުރުކުރީ ވީއައިއޭއިން ޑާކާއަށް, ޔޫއެސް ބަންގްލާ އެއާލައިންސް އިންނެވެ.

ލަގެޖުގައި ފޮރުވައިގެން ގަވާއިދާ ހިލާފަށް ރާއްޖެއިން ބޭރުކުރަން އުޅުނު 81,030 ނަގުދު ފައިސާ ޑޮލަރު އޭވިއޭޝަން ސެކިއުރިޓީ ކޮމާންޑުގެ ސްކްރީނިން ޓީމުން ވަނީ ހޯދާފައި ކަމަށް އެ އިދާރާއިން ވަނީ ބުނެފައެވެ.

ރާއްޖޭން ބޭރަށް 10,000 ޑޮލަރަށް ވުރެ ގިނައިން ގެންދާނަމަ ކަސްޓަމްސްއަށް ޑިކްލެއާ ކުރަން ޖެހެ އެވެ.