އޮފީހަކުން ވައްކަން ކުރި ދެ މީހުން ހައްޔަރުކޮށް ވަނަވަރު އާންމުކޮށްފިއެވެ.

ފުލުހުން ބުނީ މ. ކަނީރުވިލާ ގައި ހުންނަ ރެއޮލޯ އޮފީހުން ވައްކަން ކޮށްފައިވާ މައްސަލަ މި މަހުގެ 22 ވަނަ ދުވަހު ރިޕޯޓް ކޮށްފައިވާ ކަމަށެވެ.

މި މައްސަލައާ ގުޅިގެން ވަގަށް ނެގި ތަކެތި ހޯދުމަށް ސީސީޓީވީ ފްޓޭޖް ބަލައި ފުލުހުން ކުރި މަސައްކަތުން އެތަކެތި ހޯދާ އަދި ވައްކަން ކުރިކަމަށް ތުހުމަތު ކުރެވޭ ދެ މީހުން ހައްޔަރު ކޮށްފައިވާ ކަމަށެވެ. އަދި ވަނީ އެ ދެ މީހުންގެ ވަނަވަރު ވެސް އާންމުކޮށްފައެވެ.

އެގޮތުން އެ ދެމީހުންނަކީ މއ. ކުރީކަލަހިޔާ ކުރިކު މުހައްމަދު ރިޒާއާ، ފުވައްމުލައް ސިޓީ ދިގުވާނޑު ފެއާރީ އަހުމަދު ނަސްރުއެވެ.

ރެއޮލޯ އޮފީހުން ވަގަށް ނަގާފައިވާ ތަކެތީގެ ތެރޭގައި ދެ ލެޕްޓޮޕާއި މޯބައިލް ފޯނުތަކެއްގެ އިތުރުން އެހެނިހެން ބައެއް ތަކެތި ވެސް ހިމެނެއެވެ.