ކުރީގެ ރައީސް، އަލްއުސްތާޛު މައުމޫން އަބްދުލްގައްޔޫމް އިސްވެ ހުންނަވައި އުފެއްދެވި މޯލްޑިވްސް ރިޕޯމް މޫވްމެންޓް (އެމްއާރުއެމް) އުވާލަން އިލްކެޝަންސް ކޮމިޝަން (އީސީ)އިން ނިންމައިފިއެވެ.
އެމްއާރުއެމް އުވައިލަން ނިންމާފައިވާކަން އީސީން އިއުލާނު ކުރީ އެކްސްގައި ކުރި ޕޯސްޓެއްގައެވެ.
އެމްއާރުއެމް އުވާލާން އީސީއިން ނިންމާފައިވަނީ، ގާނޫނު ލާޒިމު ކުރާ އަދަދަށް އެ ޕާޓީގައި މީހުން ހަމަ ނުވާ ކަމަށް ކަނޑައަޅަ އެޅުމަށްފަހުއެވެ.
ސިޔާސީ ޕާޓީތަކުގެ ގާނޫނުގައި ލާޒިމު ކުރާ އަދަދަށް މެންބަރުން ހަމަނުވާތީ އެމްއާރްއެމް އުވާލަން ކުރީންވެސް އިލެކްޝަންސް ކޮމިޝަނުން ނިންމި އެވެ. ނަމަވެސް އެ ނިންމުން އިލެކްޝަންސް ކޮމިޝަނުން ނިންމީ ގާނޫނާއި ހިލާފަށް ކަމަށް ކަނޑައަޅަން އެ ޕާޓީން ކޯޓަށް ދިއުމުން މައްސަލަ ނިމުނީ އެ ޕާޓީއާ އެއްކޮޅަށެވެ.
އެމްއާރްއެމްގައި، ސިޔާސީ ޕާޓީއެއް ވުޖޫގައި އޮތުމަށް ގާނޫނު ލާޒިމު ކުރާ 3،000 މެންބަރުން ނެތް ކަމަށް ކަނޑައަޅާ އެ ޕާޓީ އުވާލަން އިލެކްޝަންސް ކޮމިޝަނުން ކުރިން ނިންމީ މެއި 2023 ގައެވެ.
