ރައްޔިތުންގެ މަޖިލީހުން ސަރުކާރަށް ދިން ލަފަޔާއެކު ޓެކްސް އެޕީލް ޓްރައިބިއުނަލްގެ ހަތަރު މެންބަރަކު މަގާމުން ވަކިކޮށްފިއެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަގާމުން ވަކިކޮށްފައިވަނީ، ޓެކްސް އެޕީލް ޓްރައިބިއުނަލްގެ ރައީސް އަދި ނައިބު ރައީސްގެ އިތުރުން އިތުރު ދެ މެމްބަރުންނެވެ. އެގޮތުން ރައީސް މުހައްމަދު މުނައްވަރު އަލީ އާއި، ޓްރައިބިއުނަލްގެ ނައިބު ރައީސް ހުސައިން ޒައިދާން ޖަލީލް އާއި، މެންބަރު އަހުމަދު އަޝްރަފު، އަދި މެންބަރު ހަޖީދާ ނައީމު ވަނީ މަގާމުން ވަކިކޮށްފައެވެ.
މައުލޫމާތު ލިބިފައިވާ ގޮތުގައި މި މެމްބަރުން ވަނިކޮށް އެ ބޭފުޅުންނަށް މިހާރު ވަނީ އެކަން އަންގާފައެވެ. މި މެމްބަރުން ވަކިކޮށްފައި މިވަނީ، އިތުރު މުވައްޒަފުންގެ ބަސް ހޯދުމަށް އެދި ޓެކްސް އެޕީލް ޓްރައިބިއުނަލްގެ މުވައްޒަފުން ރައްޔިތުންގެ މަޖިލީހަށް ސިޓީއެއްވެސް ފޮނުވާފައިވަނިކޮށެވެ.
ރައްޔިތުންގެ މަޖިލީހުން އެ ހަތަރު މެންބަރުން ވަކިކުރަން ފާސްކުރީ އޯގަސްޓް، 19 ގައި ޖުޑީޝަރީ ކޮމިޓީން ނިންމި ގޮތަށް 63 މެންބަރުންގެ ވޯޓުންނެވެ. އެ ނިންމުމާ ދެކޮޅަށް 10 މެންބަރުން ވޯޓު ދެއްވިއެވެ.
