ފެންވަރުގެ ކެބިނެޓެއް އެކުލަވާލާނެ ކަމަށް ވައުދުވެވަޑައިގަތުމަށްފަހު އެކުލަވާލި ކެބިނެޓްގެ ދަށުފަށަލައިގައި ތިބީ ހުސް މުޖުރިމުންކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.
ރައީސް ޔާމީން މިފަދައިން ވިދާޅުވެފައި ވަނީ ދަ ފްރޮންޓް އޮފީހުގައި ހޯމަ ދުވަހުގެ ރޭ ކުރިޔަށް ދިޔަ ޖަލްސާގައި ވާހަކަދައްކަވަމުންނެވެ.
އެގޮތުން ރައީސް ޔާމީން ވިދާޅުވީ ރިޔާސީ އިންތިޚާބްގެ ކެމްޕެއިން ދުވަސްވަރު ރައްޔިތުން ގަބޫލުކުރާނެ، އިލްމީ ގާބިލް ކެބިނެޓެއް އެކުލަވާލާނެ ކަމަށް ރައީސް މުއިއްޒު ވިދާޅުވި އިރު މިއަދު އެ ކެބިނަޓަކުން އެ މަންޒަރު ނުފެންނަ ކަމަށެވެ.
އޭގެބަދަލުގައި ފެންނަނީ އެ ކެބިނެޓްގައި ހުސް މުޖުރިމުން ތިބި މަންޒަރުކަމަށް ވިދާޅުވެ ރައީސް ޔާމީން ވަނީ ވަރަށް ބޮޑަށް ފާޑުކިޔުން އަމާޒުކުރައްވާފަ އެވެ.
މުޅި ދިވެހިރާއްޖޭގެ ވެސް ހުރިހާ އެންމެން ވެސް ގަބޫލުކުރާ ފެންވަރުގެ ވަރުގަދަ ކެބިނެޓެއް ނަންގަވާ ވާހަކަ ވިދާޅުވީ އިނގޭތޯ. ދެން އޭގެ ދަށުފަށަލާގައި ތިބި ވަޒީރުންގެ ގޮތުގައި މިތިބީ ބޮޑެތި މުޖުރިމުން ނޫންތޯ؟ ދެން ކިހިނެއްތޯ ރައްްޔިތުންގެ ކުރިމަތީ މިކަހަލަ ކަންކަމުގައި ދެކޮޅު ޖައްސަނީ.
ރައީސް ޔާމީން ވިދާޅުވިއެވެ
ކެބިނެޓް އެކުލަވާލުމުގައި ރައީސް މުއިއްޒު ފެއިލްވެފައިވާ މިންވަރު ހާމަކޮށްދެއްވަމުން ރައީސް ޔާމީން ވަނީ މިފަދަ ކަންކަން މިގޮތައް ހުރިއިރު ރައްޔިތުންނާ ރައީސް މުއިއްޒު ކުރިމަތިލައްވާނީ ކިހިނަކުންތޯ އައްސަވާ ރައީސް މުއިއްޒުގެ އަމަލުތަކަށް ފާޑުވިދާޅުވެފަ އެވެ.
