ޣައްޒާގެ މުސްލިމުންނާއި ދެކޮޅަށް ކުރަމުންދާ ހަނގުރާމަ އާއި ދެކޮޅަށް ދިވެހިންގެ ބަޔަކު ޔޫއޭއީ އެމްބަސީ ކުރިމަތީ އަޑުއުފުލުމުން ފުލުހުން އެެއްވުން ހުއްޓުވާ ބައެއް މީހުން ހައްޔަރުކޮށްފިއެވެ.

ދިވެހިން ދަނީ ހުއްޓުމެއް ނެތި ރާއްޖޭގައި ގާއިމުވެފައިވާ ބޭރުގެ އެމްބަސީތައް ކައިރީގައި އެއްވެ މުޒާހަރާ ކުރަމުންކަން ފާހަގަކުރެވެއެވެ.

މިގޮތުން މި ހަފްތާ ތެރޭގައި އެމެރިކަން އެމްބަސީ ކުރިމަތީގައި ކުރި މުޒާހަރާވެސް ފުލުހުން ވަނީ ހުއްޓުވާފައެވެ.

ސަހްޔޫނީންގެ ޕާސްޕޯޓް މަނާކޮށް އެ ގައުމަށް ވާގިވެރިވާ ކުންފުނިތަކުގެ މުދާ ވިއްކުމާއި ބޭނުންކުރުން މަނާ ކުރާ ގަރާރު ތަސްދީގުނުކޮށް މަޑު ޖައްސާލާފައި އޮންނަތާ މިހާރު 78 ދުވަސް ވެއްޖެއެވެ.

އެ ގަރާރަށް ޢަމަލު ކުރުމުގެ ފަހު ފުރުސަތު ރައީސް ޑރ. މުޙައްމަދު މުޢިއްޒުއާ ހިސާބުން ފަހިވެފައިވާއިރު، އަދި އަދަށް ވެސް އެ ގަރާރުގެ ވާހަކައެއް ސަރުކާރުން ހާމަކޮށްފައެއް ނުވެއެވެ. އެކަމަކީ ދިވެހިން ކަންބޮޑުވާ ކަމެކެވެ.

ފަލަސްތީނުގެ މައްސަލައިގައި އެހެން ގައުމުތަކެއްގެ ސަރުކާރުތަކުން ފިޔަވަޅު ނޭޅުމަކީ، ރާއްޖޭގެ ސަރުކާރުން އެކަމުގައި ފިޔަވަޅު އަޅަން ނުޖެހޭ ސަބަބެއް ނޫނެވެ. ފާއިތުވި ދެ ހަފުތާއެއްގެ ތެރޭގައި މި ސަރުކާރުގެ ދެ ވަޒީރަކު، ބައިނަލްއަގުވާމީ ބޮޑު ދެ ޕްލެޓްފޯމެއްގައި ފަލަސްތީނުގެ ރައްޔިތުންގެ ޙައްޤުގައި އަޑު އުފުލައި ވާކާލާތުކޮށްފައިވާއިރު، ދިވެހި ރައްޔިތުން އެދޭ ގޮތަށް، އަދި އެ ގަރާރާ އެއްގޮތަށް ފަލަސްތީނުގެ ރައްޔިތުންގެ ތެރެއިން ރާއްޖެއަށް އަންނަ ފަތުރުވެރިންނާއި، ރާއްޖެއަށް އެތެރެކުރެވޭ އެއްވެސް ބާވަތެއްގެ އުފެއްދުންތަކާ މެދު ޢަމަލުނުކުރެވެންވީ ސަބަބެއް ނެތެވެ.