ޕީއެޗްޑީ ހޯލްޑަރ އެއް ދިވެހިރާއްޖޭގެ ރައީސުލްޖުމްހޫރިއްޔާގެ މަގާމަށް ވަޑައިގެން 9 މަސްވެގެންދިޔަ އިރު ފެންވަރުގެ އެއްވެސް ވާހަކައެއް ނުދައްކާ ކަމަށް އުނގޫފާރު ދާއިރާގެ ކުރީގެ މެމްބަރު މުހައްމަދު ވަހީދު (ވައްޑެ) ވިދާޅުވެއްޖެ އެވެ.

ވައްޑެ މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން ވައްޑެ ވިދާޅުވީ ޕީއެޗްޑީ އެއް އޮތް ރައީސަކު އައީމަ ވަރަށް ފެންވަރު ރަނގަޅު ވާހަކަ ދައްކަވާނެ ކަމަށް އުންމީދު ކުރެވުނުކަމަށެވެ.

އެހެންނަމަވެސް، ސަރުކާރަށް 9 މަސް ވެގެންދިޔަ އިރު އެ މަންޒަރު ފެނިފައިނުވާކަމަށް ވައްޑެ ވަނީ ޕޯސްޓްގައި ވިދާޅުވެފައެވެ.

ވައްޑެ މިފަދައިން ވިދާޅުވެފައިވާއިރު ރައީސް ޑރ މުހައްމަދު މުއިއްޒު ވަނީ ވެރިކަމާ ހަވާލުވެވަޑައިގަތުމަށްފަހު ވެސް ދެކޮޅު ނުޖެހޭ އެތައް ވާހަކަތަކެއް ދައްކަވާފައެވެ.