މުހުތާޒް މުހުސިން ފަދަ ބޮޑު ކްރިމިނަލް ރެކޯޑެއް އޮތް މީހަކު ސަރުކާރުގެ މަޤާމެއްގައި ހުރެވެނީ ޑރ މުއިއްޒުވެސް ޖިނާއީ ވިޔާނުދާ ކަންކަން ކުރައްވަން ބޭނުންފުޅުވާތީ ތޯ އައްސަވާ ރައީސް އަބްދުﷲ ޔާމީން އަބްދުލްގައްޔޫމް ސުވާލު އުފައްދަވައިފި އެވެ.

ރައީސް ޔާމީން މިފަދައިން ވިދާޅުވެފައިވަނީ ހޯމަ ދުވަހުގެ ރޭ ފްރޮންޓް އޮފީހުގައި އޮތް ޖަލްސާގައި ވާހަކަދައްކަވަމުންނެވެ.

އެގޮތުން އެމަނިކުފާނު ވިދާޅުވީ ފުރަތަމަ މުހުތާޒް މުހުސިން ގެންގޮސް ލީ ޖިނާއީ ކަންކަމުގައި ރައީސްގެ މުޝީރެއްގެ ގޮތުގައި ސްޓޭޓް މިނިސްޓަރަކަށް ކަމަށާއި، މުހުތާޒް މުހުސިން ޖިނާއީ ކަންކަމުގައި ކޮށްފައި ހުރީ ޤާނޫނީ ޚިލާފް ކަންކަން ކަމަށެވެ.

އެހެންކަމުން ރައީސް ޔާމީން ވިދާޅުވީ މީގެން އެނގެނީ ރައީސުލް ޖުމްހޫރިއްޔާ ޑރ މުއިއްޒު ވެސް ޖިނާއީ ވިޔާނުދާ ކަންކަން ކުރައްވަން ބޭނުންފުޅުވަނީކަމަށެވެ.

އަދި ދާދިފަހުން ޚާރިޖީ ވުޒާރާއަށް ބަދަލުކުރި ކަމަށާއި، މިހާރު ރާއްޖޭން ބޭރުގަ މިކަހަލަ ސެލްއެއް އުފައްދަވަން ރައީސް މުއިއްޒު ބޭނުންފުޅުވަނީ ތޯ ވެސް ރައީސް ޔާމީން ސުވާލުއުފެއްދެވި އެވެ. އަދި މިކަންކަން ގުޅުވާލީމަ ޤަބޫލުކުރެވެނީ އެ ހިސާބުން ފެށިގެން މުއިއްޒު ހުންނެވީ އެ އެންމެނާ ގުޅިފައި ކަމަށް ވިދާޅުވެ ރައީސް ޔާމީން ވަނީ ވަރަށް ބޮޑަށް ފާޑުވިދާޅުވެފައެވެ.