އަދުގެ ސަރުކާރުގެ ވެެރިންވެސް ހެޔޮބަސް އަހާ، ހެޔޮބަސް ޤަބޫލުކުރާ ބަޔަކަށްވުމަށް ރައީސް ޔާމީން އަބްދުލްގައްޔޫމް ނަސޭހަތްތެރިވެއްޖެ އެވެ.

ރައީސް ޔާމީން މި މޭރަމުން ނަސޭހަތްތެރިވެފައި ވަނީ ބުރާސްފަތި ދުވަހުގެ ރޭ ފްރޮންޓް އޮފީހުގައި އޮތް ޖަލްސާގައެވެ.

އެގޮތުން އެމަނިކުފާނުގެ ވާހަކަފުޅުންނާއި ބުރާސްފަތި ދުވަހުގެ ޖަލްސާގައި ވާހަކަދެއްކެވި އުސްތާޒް އަލީ ޝާހްގެ ވާހަކަތަކުން ޱދޭހަވަނީ ރައީސް މުއިއްޒުވެސް އަދި އަދުރޭގެ ބަހަކަށް އެކަނި ބުރަދަން ދީގެން ޝަރީއަތުގެ މަޖިލީހުގަ ބަލައެއް ނުގަނެވޭނެ ކަމަށެވެ.

އަދި އަހަރެމެންގެ މައިގަނޑު މަސްދަރަކީ އިސްލާމީ ޝަރީއާ ކަމަށް ވާއިރު، ޝަރީއާގައި މި ދެބޭފުޅުންގެ ބަސް ބަލައި ނުގަނެވޭ އިރު އާއްމު ރައްޔިތުން  މިދެބޭފުޅުންގެ ވާހަކަތައް ބަލައިގަންނަން ޖެހޭތޯ ވިދާޅުވެ ރައީސް ޔާމީން ސުވާލުއުފެއްދެވިއެވެ.

ރައީސް ޔާމީން އިތުރަށް ވިދާޅުވީ މަޤާމަކަށް މީހަކަށް އާދެވިދާނެ ކަމާއި، އެކަމު އެމަޤާމަކަށް މީހަކަށް ކޮމާންޑު ކުރާނީ އޭނާގެ ކެރެކްޓަރ ގައި އެކަމެއް ހުރީމަކަމަށެވެ.

އަދި ރައީސް ޔާމީން ރުހުނަސް ނުރުހުނަސް މަޖިލީހުގެ ރައީސަކަށް އަދުރޭގެ ހުންނަވާއިރު އަދުރޭގެ ކޮމާންޑަކަށް ރައްޔިތުންގެ ތެރޭގައިވެސް ރައްޔިތުންގެ މަޖިލީހުގައިވެސް ރެސްޕެކްޓް ނުކުރާ ކަމަށް ރައީސް ޔާމީން ވިދާޅުވި އެވެ.