ގައުމު މާލީ ކާރިސާއެއްގައި އޮއްވާ އަނެއްކާވެސް ސިޔާސީ މަގާމަކަށް ބޭފުޅަކު އައްޔަންކޮށްފިއެވެ.
ސިޔާސީ މަގާމުތައް މަދުކޮށް ބޭކާރު ކަރަދުތައް ހުއްޓާލުމަށް މާލީ އިދާރާތަކުން ލަފާދީފައިވަނިކޮށް، ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިފަހަރު އައްޔަންކުރައްވާފައިވަނީ ސިއްހީ ވުޒާރާގެ ނައިބެކެވެ. މިހާރުވެސް އެތައް ނައިބުންނެއް ތިއްބެވި ސިއްހީ ވުޒާރާގެ ނައިބަކަށް އައްޔަންކޮށްފައިވަނީ، ނިމިދިޔަ މަޖިލިސް އިންތިހާބުގައި ޕީޕީއެމް/ޕީއެންސީ ޕްރައިމަރީގައި ވާދަކޮށް ނާކާމިޔާބުވި، ނަޒްލީން ނަޖީބު، ފީރޯޒްގެ، ގއ. ވިލިނގިލިއެވެ.
ނާޒްލީންއަކީ ގއ. ވިލިނގިލީގެ ޕްރޮގްރެސިވް ކޮންގްރެސް ކޯލިޝަންގެ ރައީސްއެވެ. ސޯޝަލް މީޑިއާގައި އޭނާގެ ރައްޓެހިންނާއި އާއިލާ މީހުން އަންނަނީ މަރުހަބާ ކިޔަމުންނެވެ.
ސިއްހީ ވުޒާރާއަށް އިތުރު ނައިބަކާ އެކު އަނެއްކާވެސް ސިޔާސީ މަގާމުތައް އިތުރުވެގެން ދާއިރު، މިއީ 700 ވުރެ ގިނަ ސިޔާސީ މަގާމުތައް ނުއުއްފައްދާނެކަމުގެ ވައުދާއެކު އައި ސަރުކާރެއްކަން ފާހަގަކޮށްލެވެއެވެ. ނަމަވެސް މިހާރވެސް ސިޔާސީ މަގާޟުތައް 2000 އަށް ވުރެ މައްޗަށް އަރާފައިވާކަން ހާމަވެއެވެ.
ގައުމުގެ މާލީ ހާލަތު ދަށްވެ ބޮޑު ކާރިސާއެއްގެ ތެރެއަށް ގައުމު ވެއްޓިފައި އޮތް ނަމަވެސް ސަރުކާރުގެ ޚަރަދުތައް ކުޑަނުކުރާތީ ރައްޔިތުން ގެންދަނީ ސަރުކާރަށް ނުރުހުން ފާލުކުރަމުންނެވެ. ސަރުކާރުން ބުނަމުން ދަނި ޚަރދު ކުޑަކުރަން ރައްޔިތުން ގަރުދިޔަ އާ ބަތް ކާން ޖެހޭ ކަމަށެވެ.
