ސަހްޔޫނީން ފަލަސްތީނުގައި ހިންގާ ގަތުލްއާންމާ ދެކޮޅަށް އަޑު އުފުލަމުންދިޔަ އާއިޝަތު ޝާދިޔާ އާއި ޑރ. ޝަޒްރާ އިބްރާހިމްގެ ބަންދަށް އިތުރު ފަސް ދުވަސް ކްރިމިނަލް ކޯޓުން ޖަހައިފި އެވެ.
އެމީހުން ހައްޔަރުކޮށްފައި ވަނީ ސަފީރަކަށް އުނދަގޫ ކުރިކަމަށް ބުނެއެވެ.
އޯގަސްޓު 28 ގައި ހައްޔަރުކުރި ދެ މީހުންގެ ބަންދަށް ޖެހިގެން އައި ދުވަހު ކްރިމިނަލް ކޯޓުން ޖެހީ ތިން ދުވަހެވެ. އެ މުއްދަތު ހަމަވެގެން މިއަދު އެ ދެމީހުން ކްރިމިނަލް ކޯޓަށް ހާޒިރުކުރުމުން ބަންދަށް އިތުރު ފަސް ދުވަސް ވަނީ ޖަހައިފަ އެވެ.
ޝާދިޔާ އާއި ޝަޒްރާ ދިޔައީ އިނގިރޭސިވިލާތުގެ އެމްބަސީ އާއި ޖަރުމަން އެމްބަސީ އާއި ރާއްޖޭގައި ހުންނަ ޔޫއެން އޮފީގެ އިތުރުން އިނގިރޭސިވިލާތު އެމްބަސަޑަރު އަދި ސައުދީ އެމްބަސެޑަރު ހުންނަވާ ގެކޮޅު ކައިރީ މެދުކެނޑުމެއްނެތި އިހުތިޖާޖުކޮށް އަޑުއުފުލަމުންނެވެ.
