އަންހެނަކު ރަހީނުކޮށް ހަމަލާދޭން އުޅުނު ފިރިހެންމީހާ ފުލުހުންގެ ބެލުމުގެ ދަށުގައި ހުއްޓާ އަމިއްލައަށް މަރުވާން މަސައްކަތްކޮށްފިއެވެ.
ބައެއް ނޫސްތަކުގައި އޭނާ އަމިއްލައަށް މަރުވެއްޖެ ކަމަށް ރިޕޯޓުކޮށްފައިވަނިކޮށް ފުލުހުން ވަނި އެކަން ދޮގުކޮށްފައެވެ. އެގޮތުން ފުލުހުން ބުނެފައިވަނި އެ ފިރިހެންމީހާ ވަނި އަމިއްލައަށް މަރުވާން މަސައްކަތްކޮށްފައި ކަމަށާ މިހާރު ހޮސްޕިޓަލަށް ގެންގޮސް ފަރުވާ ދެމުންދާ ކަމަށެވެ. އަދި އޭނާ ދިރިއޮތް ކަމަށް ހޮސްޕިޓަލާ ހަވާލާދީ ފުލުހުން ބުނެފައިވެއެވެ.
ނަމަވެސް އަމިއްލަ މަރުވާން މަސައްކަތްކޮށްފައިވަނީ ކޮން ގޮތަކަށް ކިހިނެއްކަމެއް އަދި ގެންދިޔައީ ކޮން ހޮސްޕިޓަލަށް ކަމެއް ފުލުހުން ހާމަކޮށްފައިނުވެއެވެ.
މާފަންނު ގެއެއްގެ ތެރޭގައި އަންހެނަކު ހިފަހައްޓާ ހައްޔަރުކޮށް ވަޅިން ބިރުދައކައި ރަހީނު ކުރި މަސައްލައިގައި މިދިޔަ ބުރާސްފަތި ދުވަހުގެރޭ ހައްޔަރުކޮސްފައިވަނި ށ. މިލަންދޫ، އާދަމް އަތުހަރު، 32 އެވެ.
އޭނާ އެރޭ ހައްޔަރުކުރަން އުޅުމުގެ ތެރޭގައާ އަދި ރަހީޫނު ކުރި އަންހެން މީހާ ސަލާމަތްކުރުމަށް އުޅުމުގެ ތެރޭގައި އަތުހަރަށް އަނިޔާވެ އޭޑީކޭގައި ފަރުވާ ދީފައިވެއެވެ.
