އަންހެނަކު ރަހީނުކޮށް ހަމަލާދޭން އުޅުނު ފިރިހެން މީހާ ފުލުހުންގެ ބެލުމުގެ ދަށުގައި ހުއްޓާ އަމިއްލައަށް މަރުވާން މަސައްކަތްކޮށް ހާލު ސީރިއަސްވެ އައިސީޔޫގައި ފަރުވާ ދޭން ފަށައިފއެވެ.
ބައެއް ނޫސްތަކުގައި އޭނާ އަމިއްލައަށް މަރުވެއްޖެ ކަމަށް ރިޕޯޓުކޮށްފައިވަނިކޮށް ފުލުހުން ވަނީ އެކަން ދޮގުކޮށްފައެވެ. އެގޮތުން ފުލުހުން ބުނެފައިވަނީ އެ ފިރިހެންމީހާ ވަނީ އަމިއްލައަށް މަރުވާން މަސައްކަތްކޮށްފައި ކަމަށާ މިހާރު ހޮސްޕިޓަލަށް ގެންގޮސް ފަރުވާ ދެމުންދާ ކަމަށެވެ. އަދި އޭނާ ދިރިއޮތް ކަމަށް ހޮސްޕިޓަލާ ހަވާލާދީ ފުލުހުން ބުނެފައިވެއެވެ.
ހާދިސާގެ އިތުރު ތަފްސީލާ އަދާހަމަ ދެމުން ފުލުހުން ހާމަކޮށްފައިވާ ގޮތުގައި މިހާރު އެ ފިރިހެން މީހާއަށް ވަނީ އައިޖިއެމްއެޗްގެ އައިސީޔޫގައި ފަރުވާ ދޭން ފަށާފައެވެ. އަދި ފަރުވާ ދެމުން ގެންދަނީ ވެންޓިލޭޓަރުގައި ކަމަށްވެސް ފުލުހުން ހާމަކޮށްފައިވެއެވެ.
މީގެ އިތުރުން ނޭޝަނަލް އިންޓަގިރިޓީ ކޮމިޝަން (އެންއައިސީ) އާ ހިއުމަން ރައިޓްސް ކޮމިޝަން އޮފް މޯލްޑިވްްސް (އެޗްއާރުސީއެމް) އިން ދޫނިދޫ ކަސްޓޯޑީއަލް ޖަލަށް ގޮސް މައްސަލައިގެ ތަހުގީގު ފަށާފައިވާ ކަމަށް ވެސް ފުލުހުންގެ ތަރުޖަމާހު އަހުމަދު ޝިފާން މީޑިޔާތަކާ ހިއްސާކުރި މައުލޫމާތުގައި ހާމަކޮށްފައިވެއެވެ.
މާފަންނު ގެއެއްގެ ތެރޭގައި އަންހެނަކު ހިފަހައްޓާ ހައްޔަރުކޮށް ވަޅިން ބިރުދައކައި ރަހީނު ކުރި މަސައްލައިގައި މިދިޔަ ބުރާސްފަތި ދުވަހުގެރޭ ހައްޔަރުކޮސްފައިވަނި ށ. މިލަންދޫ، އާދަމް އަތުހަރު، 32 އެވެ.
އޭނާ އެރޭ ހައްޔަރުކުރަން އުޅުމުގެ ތެރޭގައާ އަދި ރަހީނު ކުރި އަންހެން މީހާ ސަލާމަތްކުރުމަށް އުޅުމުގެ ތެރޭގައި އަތުހަރަށް އަނިޔާވެ އޭޑީކޭގައި ފަރުވާ ދީފައިވެއެވެ.
