އަންހަނަކަށް ވަޅިން ބިރު ދައްކާ ރަހީނުކޮށްގެން އުޅެނިކޮށް ފުލުހުންގެ ބެލުމުގެ ދަށަށް ގެންދިޔަ ފިރިހެން މީހާ މަރުވެއްޖެއެވެ.
މައުލޫމާތު ލިބިފައިވާ ގޮތުގައި އަތުހަރު މަރުވީ އައިޖީއެމްއެޗްގައެވެ. އަހުތަރަށް އައިޖީއެމްއެޗްގައި ފަރުވާ ދެމުން ދިޔައީ އޭނާ އަމިއްލައަށް ދަން ޖެހި މަރުވާން އުޅެނިކޮށް ސަލާމަތްކޮށް ފަރުވާ ދެމުން ދަނިކޮށެވެ.
އޭނާ މަރުވެފައިވާކަން ހޮސްޕިޓަލާ ހަވާލާދީ ފުލުހުން ވަނީ ކަށަވަރުކޮށްދީފައެވެ. އެގޮތުން އެ ހާދިސާގެ އަދާހަމައާ ގުޅޭ ގޮތުން ފުލުހުން ނެރުނު ބަޔާނުގައި ބުނެފައިވަނީ، މިއަދު ހަވީރު 4:08 ހާކަން އިރު އެމީހާ މަރުވެފައިވާ ކަމަށެވެ. އަދި މަރުވި ސަބަބު ދެނެގަތުމަށްޓަކައި އޮޓޮޕްސީ ހެދުމަށް ނިންމާފައިވާ ކަމަށްވެސް ފުލުހުން ވަނީ ހާމަކޮށްފައެވެ.
ފުލުހުން ބުނެފައިވަނީ އެ ފިރިހެންމީހާ ވަނީ އަމިއްލައަށް މަރުވާން މަސައްކަތްކޮށްފައި ކަމަށާ މިހާރު ހޮސްޕިޓަލަށް ގެންގޮސް ފަރުވާ ދެމުންދާ ކަމަށެވެ. އަދި އޭނާ ދިރިއޮތް ކަމަށް ހޮސްޕިޓަލާ ހަވާލާދީ ފުލުހުން ބުނެފައިވެއެވެ.
މީގެ އިތުރުން ނޭޝަނަލް އިންޓަގިރިޓީ ކޮމިޝަން (އެންއައިސީ) އާ ހިއުމަން ރައިޓްސް ކޮމިޝަން އޮފް މޯލްޑިވްްސް (އެޗްއާރުސީއެމް) އިން ދޫނިދޫ ކަސްޓޯޑީއަލް ޖަލަށް ގޮސް މައްސަލައިގެ ތަހުގީގު ފަށާފައިވާ ކަމަށް ވެސް ފުލުހުން ހިއްސާކުރި މައުލޫމާތުގައި ހާމަކޮށްފައިވެއެވެ.
މާފަންނު ގެއެއްގެ ތެރޭގައި އަންހެނަކު ހިފަހައްޓާ ހައްޔަރުކޮށް ވަޅިން ބިރުދައކައި ރަހީނު ކުރި މަސައްލައިގައި މިދިޔަ ބުރާސްފަތި ދުވަހުގެރޭ ހައްޔަރުކޮސްފައިވަނި ށ. މިލަންދޫ، އާދަމް އަތުހަރު، 32 އެވެ.
