ބްރިޖުން ލޭނެއް މަދުކަމަށް އަބްދުއްރަހީމް ބުނުމާއެކު ފެނިގެންދަނީ ބޮޓުން ކޮޅެއް ނެރެގެން ބުރިޖްގެ ލޭނުތައް ގުނާ މަންޒަރުކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.

ރައިީސް ޔާމީން މިފަދައިން ވިދާޅުވެފައި ވަނީ ހޯމަ ދުވަހުގެ ރޭ ފްރޮންޓް އޮފީހުގައި އޮތް ޖަލްސާގައި ވާހަކަދައްކަވަމުންނެވެ.

އެގޮތުން އެމަނިކުފާނު ވިދާޅުވީ މިހާރު މި ފެންނަނީ ބޮޓުން ކޮޅެއް ނެރެގެން ބްރިޖުގެ ލޭނު ގުނާތަން ކަމަށާއި ދެރައީ ލޭނުގެ އަދަދު ގުނަން ހިސާބު އިލްމަށް މޮޅު ބޭފުޅަކު ތިއޮޑަ ލައިޓް ހިފައިގެން ނޫޅޭތީ ކަމަށެވެ.

ދާދިފަހުން ސަންގު ޓީވީގެ ޕްރޮގްރާމަށް އަރާ އަދުރޭ ވަނީ ބްރިޖުން ލޭނެއް މަދުވިކަމަށް ބުނެ އެ މޭރަމުން ވާހަކަ ދައްކަވާފައެވެ. އެޔާ ގުޅުވާ ހަމަ ޓީވީއަށް ދެއްވި އެކްސްކްލޫސިވް އިންޓަވިޔުއެއްގައި ރައިސް މުއިއްޒު ވެސް ވަނީ އިތުރުފުޅު ހައްދަވާ ބްރިޖުގެ ލޭނުގެ ވާހަކަ ދައްކަވާފައެވެ.

މި ވާހަކަތަކަށް ރައްދު ދެއްވަމުން ރައީސް ޔާމީން ވިދާޅުވީ ލޭނެއް ގެއްލުނުނަމަ އެކަން ކުރެއްވި ފަރާތް މަގާމުން ވަކިކޮށް ދައުވާކުރާކަަށް އެމަނިކުފާނު ޖެހިލުންވެވަޑައިއެއް ނުގެންނަވާނެ ކަމަށެވެ.