މާލެ އަތޮޅު ހުވަފެންފުށި ރިސޯޓު ކައިރީ އޮންނަ ފިނޮޅަކަށް ހުކުރު ދުވަހު ދަތުރު ގޮސް އުޅެނިކޮށް ގެއްލިގެން ހޯދަމުން އަންނަ މ. އަސަރީ ހަނދާން، ތަސްލީމު މުހައްމަދު (43އ) ގެއްލިގެން ހޯދާތާ 5 ދުވަސްވެއްޖެއެވެ.

ފުލުހުން މިއަދު ބުނެފައިވަނީ އަދިވެސް އޭނާ ފެނިފައިނުވާކަމަށެވެ.

ތަސްލީމު ގެއްލުނު މައްސަލަ މިހާރުދަނީ ޖިނާއީ މައްސަލައެއްގެ ގޮތުގައި ދަނީ ތަހުޤީގުކުރަމުންނެވެ.

ތަސްލީމު ގެއްލިފައިވަނީ އޯގަސްޓްމަހުގެ 30 ވަނަ ދުވަހު ރައްޓެހިނާއި އާއިލާ މީހުންނާއެކީ ދަތުރުގޮސް އުޅެނިކޮށްށެވެ.

ނަމަވެސް ތަސްލީމު ގެއްލިފައިވަނީ މޫދަށްކަން ކަށަވަރު ކުރެވިފައި ނުވާތީ އާއި މެރިޓައިމް ސާޗް އެންޑް ރެސްކިއުން އިން ކޭސް އެއް ގޮތުގައި ރަޖިސްޓްރީކޮށްފައި ނުވާތީ އޭނާ ހޯދުމުގެ އޮޕަރޭޝަން މިހާރު ލީޑުކުރަމުން ދަނީ ފުލުހުންނެވެ.

ތަސްލީމު ހޯދަން ފިނޮޅު ވަށައިގެން 5000 އަކަ ފޫޓުގެ ސަރަހައްދެއް ސްނޯކަލް ކޮށްގެންނާއި 3000 އަކަ ފޫޓު ކަނޑުއަޑިން ޑައިވްކޮށްގެން ސިފައިން ވަނީ ބަލާފަ އެވެ.

ތަސްލީމުގެ އެއްވެސް މައުލޫމާތެއް ލިބިފައިވާނަމަ އަދި މިދިޔަ ބުރާސްފަތި އަދި ހުކުރު ދުވަހު އެ ފިނޮޅަށް ދަތުރު ބަޔަކު ގޮސްފައިވާނަމަ އެކަން ހިންމަފުށި ޕޮލިސް ސްޓޭޝަންގެ ނަންބަރު 9794639 އަށް ގުޅައި ހިއްސާ ކުރުމަށް ފުލުހުން އެދިފައިވެ އެވެ.