އިގްތިޞާދީ ހާލަތު ރަނގަޅުކުރުމަށް ބޭރުގެ ފަރާތްތަކުން ލަފާދޭއިރު މި ސަރުކާރުން ގެންދަނީ ބީރު ކަންފަތެއް ދެމުން ކަމަށް ކުރީގެ ކޮމިޝަނަރ އޮފް ޕޮލިސް ހުސައިން ވަހީދު ވިދާޅުވެއްޖެ އެވެ.

ހުސައިން މިފަދައިން ވިދާޅުވެފައި ވަނީ ހޯމަ ދުވަހުގެ ރޭ ފްރޮންޓް އޮފީހުގައި އޮތް ޖަލްސާގައި ވާހަކަ ދައްކަވަމުންނެވެ.

އެގޮތުން ހުސައިން ވަނީ ކްރެޑިޓް ރޭޓިން އޭޖެންސީ, ފިޗުން ރާއްޖޭގެ ރޭޓިން މިއަހަރުގެ ތެރޭ ދެފަހަރަށް ދަށް ކުރުމުން އެކަމާ ކަންބޮޑުވުން ފާޅުކުރައްވާފައެވެ. ހުސައިން ވިދާޅުވީ ރޭޓިން ދަށް ކުރާ ކޮންމެ ފަހަރަކު ސަރުކާރުގެ ތެރެއިން ބަޔާނެއް ނެރެ، ޚަރަދު ކުޑަ ކުރުމުގެ ސިޔާސަތެއް އެކުލަވާލާފައި ވާނެކަމަށް ބުނެ ސަރުކާރު ދިފާއު ކުރާކަމަށެވެ.

މިހެން މިގޮތައް މި ދިމާވީ އިގްތިޞާދީ މާހިރުންގެ ލަފާޔާ އެއްގޮތައް ކަންކަން ބިނާ ނުކުރީމާކަމަށް ވިދާޅުވެ ހުސައިން ވަނީ ސަރުކާރުގެ ޚަރަދު ބޮޑު ވާހަކަ ތަކުރާރުކޮށް ދައްކަވާފައެވެ.

ހުސައިން އިތުރަށް ވިދާޅުވީ މި ސަރުކާރު އުފެދިފައި މި ވަނީ ރައީސުލްޖުމްހޫރިއްޔާ ވަށާ ޕްރޮޓެކްޓް ކުރާނެ ބައެއްްގެ ގޮތުގައި ކަމަށެވެ. ހުސައިން މިފަދައިން އެ ވިދާޅުވީ ފިޗުން ރޭޓު ދަށް ކުރުމާއެކު ސަރުކާރުގެ ނައިބު ވަޒީރުންތަކެއް އެކަން ކުރީ ސަރުކާރު ތަކުގެ ބޮލުގައި އަޅުވާ މި ސަރުކާރުން ކުރި ކަމެއްް ނޫންކަމަށް ބުނެ ޕޯސްޓްތައް މީސްމީިޑިޔާގައި ޖަހަމުން ދިޔުމުންނެވެ.

ހުސައިން ވަނީ މި ސަރުކާރުގެ ނައިބު ވަޒިރުންނާއި ސްޓޭޓް މިނިސްޓަރުން މަގާމުގެ ޒިންމާއާއި މަސްއޫލިއްޔަތު އަދާނުކޮށް މީސްމީޑިޔާގައި ޕޯސްޓް ޖަހަމުންގެންދާތީ އެކަމާ ފާޑުވިދާޅުވެފައެވެ.