މި އަހަރުގެ އޮގަސްޓް މަހުގެ ނިޔަލަށް މަގުމަތީ އެކްސިޑެންޓްގެ 1907 މައްސަލައެއް ފުލުހުންގެ އިދާރާއަށް ހުށަހަޅާފައިވާ ކަމަށް އެ އިދާރާގެ ތަފާސްހިސާބުތަކުން ހާމަވެއްޖެ އެވެ.

ފުލުހުންގެ އިދާރާއިން އާންމު ކޮށްފައިވާ ތަފާސްހިސާބުން ދައްކާގޮތުން މި އަހަރު އެއިދާރާއަށް ރިޕޯޓް ކޮށްފައިވާ އެކްސިޑެންޓްތަކުގެ ތެރެއިން 1،584 އެކްސިޑެންޓް ރިޕޯޓްކޮށްފައިވަނީ މާލެ ސަރަހައްދުންނެވެ.

ހުޅުމާލޭގައި ހިނގި 413 އެކްސިޑެންޓެއް ފުލުހުންނަށް ރިޕޯޓްކޮށްފައިވެއެވެ.

އަދި ވިލިމާލޭގައި 5 އެކްސިޑެންޓް ހިނގާފައިވާކަމަށް މިއަހަރު އޮގަސްޓްމަހުގެ ނިޔަލަށް ފުލުހުންނަށް ވަނީ ރިޕޯޓްކޮށްފައެވެ.

ތަފާސް ހިސާބުތައް ދައްކާ ގޮތުން މިދިޔަމަހު ފުލުހުންނަށް ރިޕޯޓް ކޮށްފައިވަނީ 218 އެކްސިޑެންޓެވެ. އަދި މިއަހަރުގެ މިހާތަނަށް އެންމެ ގިނަ އެކްސިޑެންޓް ރިޕޯޓްކޮށްފައިވަނީ މާޗު މަހު އެވެ. އެ މަހު އެކަނި 301 އެކްސިޑެންޓް ފުލުހުންނަށް ރިޕޯޓްކޮށްފައިވެ އެވެ.