ހުޅުމާލެ ފޭސް 2 ގެ ވިނަރެސް ފްލެޓް ކައިރިން ދެ ބަހެއް ޖެހި އެކްސިޑެންޓެއް ހިނގައިފިކަމަށް މައުލޫމާތު ލިބިއްޖެއެވެ.

މި އެކްސިޑެންޓްގައި އެއްވެސް ފަރާތަކަށް އަނިޔާވެފައިވާ ކަމުގެ މައުލޫމާތެއް މިހާތަނަށް ލިބިފައިނުވެއެވެ.

ނަމަވެސް ދެ އުޅަނދަށް ކޮންމެވެސް ވަރެއްގެ ގެއްލުންތައް ލިބިފައިވާއިރު، ނުރައްކާތެރިކޮށް މަގުމަތީގައި ދުއްވުމުގެ ސަބަބުން ފާއިތުވި ހަފްތާގައި ދެ މަރު ރިޕޯޓްކޮށްފައިވެއެވެ.

އާދަޔާ ޚިލާފަށް އެކްސިޑެންޓްތައް ގިނަވެފައިވާ ދުވަސްވަރެއްގައި ފުލުހުން އަންނަނީ މަގުމަތި ފުޅާ ދާއިރާއެއްގައި ޕެޓްރޯލްކޮށް ރައްޔިތުންނަށް ރައްކާތެރިކަން ކަށަވަރުކޮށްދިނުމަށް ގިނަގުނަ މަސައްކަތް ކުރަމުންނެވެ.

އެކްސިޑެންޓް އާއި ބެހޭ އެއްވެސް މައުލޫމާތެއް ފުލުހުން އަދި ހާމަކޮށްފައިނުވެއެވެ.