ފުލުހުންގެ ވެހިކަލެއްގައި ގަވާއިދާ ހިލާފަށް ބަޔަކު އުފުލާ ވީޑިއޯއެއް އާންމުވެއްޖެ އެވެ.

ސޯޝަލް މީޑިއާގައި ދައުރުވަމުންދާ ވީޑިއޯގައި ފެންނަނީ ފުލުހުންގެ ލޮރީއެއްގެ ފަހަތުގައި އެއްވެސް ރައްކާތެރިކަމެއް ނެތި ބަޔަކު ކޮޅަށް ތިބޭ މަންޒަރެވެ.

ވީޑިއޯ ޕޯސްޓުކޮށްފައިވަނީ އެމްވީ ކްރައިސިސް" ގެ އެކައުންޓުންނެވެ. މިކަމާ ގުޅިގެން ފުލުހުންގެ ރަސްމީ ބަހެއް މިހާތަނަށް ލިބިފައެއް ނުވެ އެވެ.

މިގޮތަށް ހައިވޭ މަތީ މީހުން އުފުލުމަކީ ގަވާއިދާ ހިލާފު ކަމެކެވެ.

އެފަދައިން މީހުން އުފުލާ އާންމު ވެހިކަލްތައް ހުއްޓުވާ ފުލުހުން ވަނީ ޖޫރިމަނާވެސް ކުރަންފަށާފައެވެ.