ފުވައްމުލަކަށް ގެންގޮސް ބާލަން އުޅުނު ބިއްލޫރި ޝީޓުތަކެއް ވެއްޓި ހަތަރު މީހަކަށް ހާނީއްކަވެއްޖެ އެވެ.

މީޑިއާތަކަށް ފުލުހުން ފޮނުވި މެސެޖެއްގައި ބުނީ އަނިޔާވީ ދެ ބިދޭސީންނާއި ދިވެހީންގެ ދެމީހުންނަށް ކަމަށެވެ.


އަދި އެ ހަތަރު މީހުންނަށް ވެސް ފަރުވާ ދިނުމަށް ފުވައްމުލަކު ހޮސްޕިޓަލަށް މިހާރު ގެންގޮސްފައިވާ ކަމަށް ފުލުހުން ވަނީ ބުނެފައެވެ.

އެ މަންޒަރު ފެންނަ ވީޑިއޯއެއް ސޯޝަލްމީޑިއާގައި މިހާރު ދައުރުވަމުންދާއިރު، އަނިޔާވި މީހުންގެ ތެރެއިން އެކަކުގެ ފައި ބިއްލޫރިތަކުގެ ދަށުގައިވާ މަންޒަރު އެ ވީޑިއޯއިން ފެނެ އެވެ.


ފުލުހުން ބުނީ އެ ހާދިސާ ހިނގާފައި ވަނީ މިއަދު ހެނދުނު 9:32 ހާއިރު ކަމަށާއި އެ ހަތަރު މީހުންނަށް އަނިޔާވި މައްސަލަ ފުލުހުންނަށް ހުށަހަޅައިފައިވާ ކަމަށެވެ.

އެ މައްސަލަ ދަނީ އިތުރަށް ތަހުގީގު ކުރަމުން ކަމަށް ފުލުހުން ވަނީ ބުނެފައެވެ.