ރޯދައިގެ ފަހުން މަޖިލިސް އިންތިޚާބު ބާއްވާނަމަ އިތުރު ބަޖެޓް ބޭނުންވާނެ ކަމަށް އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބު ވިދާޅުވެއްޖެއެވެ.
ހަބީބް ވިދާޅުވީ ކުރިން އޮތް ތާރީހުގައި އިންތިޚާބު އޮންނާނެ ކަމަށެވެ. ރޯދައިގެ ފަހުން އިންތިޚާބު ބާއްވާނަމަ އިތުރު ޚަރަދުތައް ހިންގާނެކަމަށެވެ. ރޯދައިގެ ފަހުން އިންތިޚާބު ބާއްވާނަމަ ސްކޫލުތައް ލިބެންޖެހޭނެ ކަމަށާއި ވަސީލަތްތައް ފޯރުކޮށްދޭންޖެހޭނެ ކަމަށެވެ. އަދި އޮފިޝަލުންނަށް ރިފްރެޝަރ ޓްރެއިނިންގ ބާއްވަން ޖެހޭނެ ކަމަށް ހަބީބް ފާހަގަކުރެއްވިއެވެ.
މަޖިލިސް އިންތިޚާބަށް ކަނޑައަޅާފައިވަނީ 60 މިލިއަން ރުފިޔާގެ ބެޖެޓެކެވެ. ހަބީބް ވިދާޅުވީ ކުރިއަށް އޮތް މަޖިލިސް އިންތިހާބު އޮބްޒާވް ކުރުމަށްޓަކައި ރާއްޖޭގެ އިތުރުން ބޭރުގެ އޮބްޒާވަރުންނަށްވެސް އެ ފުރުސަތު ހުޅުވާލާފައިވާ ކަމަށެވެ. އެގޮތުން އީސީގެ ހާއްސަ ދައުވަތެއް ބޭރުގެ 30 ފަރާތަކަށް ފޮނުވި ކަމަށް ހަބީބް ވިދާޅުވިއެވެ..
އީސީގެ ހާއްސަ ދައުވަތުލިބޭ ޤައުމުތަކުގެ ތެރޭގައި ސައުތު ކޮރެޔާ، ޖަޕާން، އޮސްޓްރޭލިޔާ، ފިލިޕީންސް، ކެމްބޯޑިޔާ އަދި އިންޑިޔާވެސް ހިމެނެއެވެ.
