ދިވެހީންގެ ރާއްޖޭގައި މިއަދު ކަންކަން ވަނީ ދިވެހީންނަށް ބޯ ހިއްލާލާ ބަލާލާން ނުކެރޭ ވަރަށް ގޯސްވެފައި ކަމަށް ކުރީގެ ކޮމިޝަނަރ އޮފް ޕޮލިސް ހުސެއިން ވަހީދު ވިދާޅުވެއްޖެއެވެ.

ހުސެއިން މިފަދައިން ވިދާޅުވެފައިވަނީ ބުރާސްފަތި ދުވަހުގެ ރޭ ދަ ފްރޮންޓް އޮފީހުގައި ކުރިއަށް ދިޔަ ޖަލްސާގައި ވާހަކަ ދައްކަވަމުންނެވެ.

ހުސެއިން ވިދާޅުވީ، ނަލަ ރީތި ވައުދުތަކާ އެކު ވެރިކަމަށް ރައީސް މުހައްމަދު މުއިއްޒު ވަޑައިގެންނެވި ނަމަވެސް މިހާރު އެއީން ވައުދެއްގެ ކޮޅުމަތި ވެސް ފެންނަން ނެތް ކަމަށާ ފެންނަމުން ދަނީ މުޅިން ވެސް ރައްޔިތުންނަށް އޮޅުވާލާ މަންޒަރު ކަމަށެވެ.

ކުރިން ބުނި އެއްޗެއް ކެންސަލް ކުރައްވަމުން ރައީސް މުއިއްޒު ގެންދަވަނީ އުނބަށް ޖައްސަވަމުން ކަމަށް ވިދާޅުވެ ހުސެއިން ވަނީ އަދު ގައުމުގެ ހާލަތު އޮތީ ނުހަނު ގޯސްކޮށްކަން ފާހަގަކުރައްވާފައެވެ.

އެގޮތުން ހުސެއިން ވިދާޅުވީ ގައުމު މިއަދު މިއޮތް ހާލަތަށް ދާން ޖެހުނީ ކަންކަން އެނގޭ ހެޔޮ ލަފާ އެރުވޭނެ މީހުން ސަރުކާރާ ފެއަށް ޖަެއްސުމުން ކަމަށެވެ.

ހުސެއިން ވަނީ، ދައުލަތުގައި ފައިސާ ނެތޭ ބުނަމުންދާއިރު މަޖިލިސް މެމްބަރުންނަށް ބަހާ ފައިސާ އަކީ ކޮންތާކުން ހޯދާ ފައިސާއެއްތޯ ސުވާލުއުފެދޭ މޭރުމަކުން ވާހަކަ ދައްކަވާފައެވެ.