މުދަލަށް ގެއްލުން ދިނުމާއި ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައެއްގައި ތ. ތިމަރަފުއްޓަށް ނިސްބްތަވާ 30 އަހަރުގެ އަންހެނަކު ހައްޔަރުކޮށްފިއެެވެ.

ފުލުހުން ހާމަކޮށްފައިވާ ގޮތުގައި މި މީހާ ހައްޔަރުކޮށް، ބަންދުގެ މުއްދަތު ޖަހަން ކްރިމިނަލް ކޯޓަށް މިއަދު ގެންދިއުމުން ކޯޓުން ވަނީ އޭނާގެ ބަންދަށް 15 ދުވަސް ޖަހައިފަައެވެ.

އެ ބަންދު އަމުރުގައި ބުނެފައި ވަނީ އޭނާގެ މައްޗަށް ތުހުމަތުކޮށްފައިވާ ކުށް އޭނާ ކުރި ކަމަަށް ތުހުމަތު ކުރެވޭ ކޮންމެވެސް މިންވަރުގެ ހެއްކާއި ގަރީނާ ހުށަހަޅާފައިވާ ކަމަށެވެ.

ފުލުހުން ވަނީ އޭނާގެ އަތުން ކަޓަރެއް ފެނުނު ކަމަށް ވިދާޅުވެފައެވެ. އަދި އަނިޔާ ލިބުނު މީހާއަށް ހަމަލާދީފައިވަނީ ކަޓަރުން ކަމަށް ބެލެވޭ ކަމަށްވެސް ފުލުހުން ވިދާޅުވެފައި ވެއެވެ.