ބޭންކް އޮފް މޯލްޑިވްސް (ބީއެމްއެލް)ގެ ބޯޑު މެންބަރު ކަމުން އައިޝަތު ސަޖުނީ އިސްތިއުފާދެއްވައިފިއެވެ.

އިސްތިއުފާއާއި ގުޅިގެން ބީއެމްއެލް އިން ބުނެފައިވަނީ ކުންފުނީގެ ޚާއްސަ އާންމު ޖަލްސާއަށް މެންބަރުންގެ މައުލޫމާތު ހިއްސާ ކުރައްވާނެ ކަމަށެވެ.

ސަޖުނީއަކީ މެކްރޯއިކޮނޮމިކްސްއާއި ފައިނޭންސްގެ ދާއިރާއިން 10 އަހަރަށް ވުރެ ދިގު މުއްދަތެއްގެ ތަޖުރިބާ ލިބިވަޑައިގެންފައިވާ ބޭފުޅަކަށްވާއިރު ސަޖުނީ މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގައި ތަފާތު މަގާމުތައް ފުރުއްވާ، އިންޓަނޭޝަނަލް މަނިޓަރީ ފަންޑް (އައިއެމްއެފް)ގެ އިކޮނޮމިސްޓެއްގެ ގޮތުގައިވެސް މަސައްކަތް ކުރައްވާފައިވެއެވެ.

މި އަހަރުގެ ކުރީކޮޅު ބީއެމްއެލްގެ ޑިރެކްޓަރުންގެ ބޯޑުން ސަޖުނީ ވަކިކުރުމަށްފަހު، ދެ ދުވަސް ފަހުން އަލުން ބޯޑަށް އައްޔަންކޮށްފައިވެއެވެ.

މީގެ އިތުރުން ބޯޑުގެ ސީއީއޯގެ އިތުރުން އިތުރު މެންބަރަކުވެސް ވަނީ ވަރަށް ފަހުން އިސްތިއުފާ ދެއްވާފައެވެ.

ބެލެވޭ ގޮތުގައި މިއީ ބީއެމްއެލުން ރުފިޔާ ކާޑުތަކަށް ދެމުން އައި ޑޮލަރު ލިމިޓު އުވައިލުމާ ގުޅިގެން ގައުމުގެ ރައީސް ބީއެމްއެލް ބަޣާވާތް ކުރި ކަމަށް ތުހުމަތު ކުރުމާއި ގުޅިގެން އަންނަ ބަދަލުތައް ކަމަށްވެއެވެ.