އައްޑޫ މަރަދޫގައި ހުންނަ އެތުމާގޭގައި އަލިފާނުގެ ހާދިސާއެއް ހިނގައިފިއެވެ.

އެގޭގައި ހިނގި އަލިފާން އެއްކޮށް މިހާރު ނިއްވާލައިފައިވާއިރު، އެ ހާދިސާގެ ރިޕޯޓު ލިބުނީ ރޭ ފަތިހު 5:35 ހާއިރު ކަމަށް އެމްއެންޑީއެފުން ވަނީ ބުނެފައެވެ.އެ ހާދިސާގައި އެއްވެސް މީހަކަށް އަނިޔާވެފައި ނުވާ ކަމަށް އެމްއެންޑީއެފުން ވަނީ ހާމަކޮަށްފައެވެ.

މައުލޫމާތު ލިބުނުގޮތުގައި އެ ގުދަނާއި ގާޑިޔަލަކީ އެތުމާގޭގައި ދިރިއުޅޭ މީހުން އާމްދަނީ ހޯދަން ކުރަމުން އަންނަ ވިޔަފާރިއެވެ.

އެތުމާގޭގައި ރޯވި އަލިފާންގަނޑު އެއްކޮށް ނިއްވާލާފައި ވަނީ މިއަދުގެ އިރު އެރިފަހުން، 6:45 ހާއިރު ކަމަށް އެމްއެންޑީއެފުން ވަނީ ހާމަކޮށްފައެވެ.