ޓެކްސީ އަކުން ފޭބި ބިދޭސީއެއް ގިނަ އަދަދެއްގެ ބަނގުރާލާއެކު ހައްޔަރުކޮށްފި އެވެ.

މިމައްސަލައިގައި ހައްޔަރުކޮށްފައިވަނީ ބަންގްލަދޭޝްގެ، 30 އަހަރުގެ ރަސުލް އުފާ ރިދޯއީ ކަމަށް ފުލުހުން ހާމަކޮށްފައިވެއެވެ.

މި މީހާގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހާފަ އެވެ.

ފުލުހުން މި މީހާ ހައްޔަރުކުރީ ޓެކްސީއެއްގައި ދަތުރުކުރަމުން ގޮސް، އޭނާ ދާން ބޭނުންވާ ތަނަށް ގޮސް ޓެކްސީ މަޑުކުރުމާ އެކު އެ ތަނުން ބަނގުރަލާ އެކު އެވެ.

ކޯޓު އަމުރުގައިވާ ގޮތުން ޓެކްސީގައި ހުރި ބަނގުރަލާ ހަވާލުވުމަށް ރަސުލް ވަނީ ދެކޮޅު ހަދާފަ އެވެ.

ޓެެކްސީ ތަކުގައި ބަނގުރާ ޓްރާންސްޕޯޓް ކުރުމަކީ މަދުން ނަމަވެސް ރާއްޖޭގައި މިހާރު ކުރަމުން އަންނަ ކަމެކެވެ.