ގައުމީ ޓީމުގެ ކުރީގެ ޑިފެންޑަރު ހއ. ހޯރަފުށި، ހިރާ، މުހައްމަދު ސާއިފް، 30، ގެއްލިގެން ރިޕޯޓު ކުރުމާއެކު، އޭނާ ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ބުނީ އޭނާ އެންމެ ފަހުން ފެނުނީ ރޭ 9:00 ޖެހިއިރު ހުޅުމާލެ ފޭސް ތިނަކުން ކަމަށާއި އޭރު ލައިގެން ހުރީ މަޑު ފެހިކުލައިގެ އަތްދިގު ގަމީހަކާއި ޖިންސެއް ކަމަށް މައުލޫމާތު ލިބިފައިވާ ކަމަށެވެ.
ސާއިފްއާ ބެހޭ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް ދޭއްގެ ޕޮލިސް ސްޓޭޝަންގެ 9393351 އަށް ގުޅުމަށް ފުލުހުން ވަނީ އެދިފައެވެ.
