ދިވެހި ރައްޔިތުންނަށް އޮޅުވާލާފާނެ ކަމަށް ރައީސް މުހައްމަދު ވިދާޅުވި ކަމަށް ސްރީލަންކާގެ ކުރީގެ ރައީސް އަނިލް ވިކްރަމަ ސިންހާ ހާމަކުރައްވައިފިއެވެ.
ރަނިލް މިފަދައިން ހާމަކުރެއްވީ އެގައުމުގެ ރިޔާސީ އިންތިހާބުގެ ތެރޭގައި މީޑިޔާއަކަށް ދެއްވި ބަސްދީގަތުމެއްގައެވެ.
އެގޮތުން ރަނިލްއާ ސުވާލުކުރަމުން ނޫސްވެރިޔާ ވަނީ ރައީސް މުއިއްޒު ވެރިކަމަށް އައީ އެންޓި އިންޑިއާ ކެމްޕެއިންތަކެއް ޖައްސައިގެން ކަމަށާ އޭގެ ފަހުން ރަނިލު ރައީސް މުއިއްޒަށް، އިންޑިއާގެ ކަންކަން މަޑު މަޑުން ކުރިއަށް ގެންދެވުމަށް ނަސޭހަތް ދެއްވިކަން ފާހަގަކުރައްވާ މިހާރު ރައީސް މުއިއްޒުގެ އަމަލުފުޅުތައް ބައްޓަން ކުރައްވާ ގޮތާ މެދު ސުވާލު ކުރައްވާފައެވެ.
އެ ސުވާލުގެ ޖަވާބުގައި ރަނިލް ވިދާޅުވީ، އިންޑިއާގެ ބޮޑު ވަޒީރު ނަރެންދްރަ މޯދީ ހުވާކުރެއްވުމަށް ރަސްމިއްޔާތަށް އޭނާ ވަޑައިގެންނެވި ކަމަށާ އެ ދަތުރުގެ ތެރެއިން ފެނިގެން ދިޔައީ ރައީސް މުއިއްޒާ މޯދީގެ ގުޅުން ވަރަށް ރަގަޅު ކަމަށް ކަމަށެވެ.
އެކަމާ ގުޅޭ ގޮތުން ރަނިލް ރައީސް މުއިއްޒުއާ ވާހަކަ ދެއްކެވުމުން، ރައީސް މުއިއްޒު ވަނީ އެމަނިކުފާނު، ރިޔާސީ އިންތިހާބުގެ ތެރޭގައި މަޖްބޫރުވެގެން ރައްޔިތުންނަށް ވައުދުތަކެއްވީ ނަމަވެސް އެ ހުރިހާ ވައުދެއް ނުފުއްދޭނެކަމަށް އެއްބަސްވެވަޑައިގެންފައި ކަމަށެވެ. އެގޮތުން "އިންޑިއާ އައުޓު" ކެމްޕެއިނަކީ އެފަދަ ކަމެއްކަމަށް ރައީސް މުއިއްޒު ވިދާޅުވި ކަމަށް ރަނިލް ވިދާޅުވެފައިވެއެވެ.
ރަނިލް މިފަދައިން ވިދާޅުވެފައިވާއިރު، ރައީސް މުއިއްޒު ވެރިކަމަށް ވަޑައިގެން އިންޑިއާ އަސްކަރިއްޔާ ބޭލުމުގެ ބަދަލުގައި އެމީހުންގެ ޔުނިފޯމު ކުލަ ހެދުމަށް ބަދަލުކޮށް އިންޑިއާ ސިފައިން ބާލައިފިކަމަށް ބުނެފައިވެއެވެ.
