ރައީސް އަބްދުﷲ ޔާމީން އަބްދުލްގައްޔޫމް ކުރެއްވީ އިސްލާމީވަންތަ ދިވެހި ވެރިކަމެއްކަމަށް ޕީޕަލްސް ނެޝަނަލް ފްރޮންޓް (ޕީއެންއެފް) ގައި އިސްކޮށް މަސައްކަތްކުރައްވާ އަހުމަދު މުހައްމަދު ވަހީދު (ވައްޑެ) ވިދާޅުވެއްޖެ އެވެ.

ވައްޑެ މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން ވައްޑެ ވިދާޅުވީ ފާއިތުވި ދިގު ތާރީޚުގައި ދިވެހިރާއްޖޭގެ ތަޚްތަށް ރެދެލިކުރެވުނު ރައީސުންގެ ތެރެއިން، ވެރިކަމުގެ ހުވާކުރެއްވުމަށްފަހު ދިވެހި ލޮބުވެތި ރައްޔިތުން ވެރިކަން ހަވާލުކުރެއްވެވި މަގްސަދު އޮޅިވަޑައިނުގެން ވެރިކަން ކުރެއްވެވި މަދު ރައީސުންގެ ލިސްޓުގެ އެއްވަނައިގައި އޮތީ ރައީސް ޔާމީންގެ ނަންކަން ޔަގީންކަމަށެވެ.

ރައީސް ޔާމީން ކުރެއްވެވީ އިސްލާމީވަންތަ ދިވެހި ވެރިކަމެއް ކަމަށް ވެސް ވައްޑެ ވިދާޅުވިއެވެ.

ގައުމު ކިތައްމެ ކުޑަޔަސް މިނިވަން މުސްތަގިއްލު ޤައުމެއްގެ ގޮތުގައި، މިނިވަންކަމާއި، އިސްތިގުލާލު ގެއްލުވާނުލައްވައި ތަރައްޤީއާއި، އިގްތިސޯދީ ރޮގުން މެދުއުޑުގަ ފިޔަޖަހާލެވޭނޭކަން ކުރު ފަސް އަހަރުން ވަނީ ދުނިޔެއަށް ދައްކާލަދީފައިކަމަށް ވިދާޅުވެ ވައްޑެ ވަނީ ރައީސް ޔާމީނަށް ތައުރީފްކުރައްވާފައެވެ.