Raees Yaameen Sarukaarah: Raajeyge Minivankamaai Isthigulaal Kashavaru Kurumah Kurehvi Ehves Masakkatheh Nufeney

ދިވެހިރާއްޖޭގެ މިނިވަންކަން ދިފާއުކުރުމަށް އަދި ގައުމުގެ އިސްތިޤުލާލް ކަށަވަރުކުރުމަށް މި ސަރުކާރުން ކުރއްވި އެއްވެސް މަސައްކަތެއް ފެނިވަޑައިނުގަންނަވާ ކަމަށް ރައީސް ޔާމީން އަބްދުލް ގައްޔޫމް ވިދާޅުވެއްޖެއެވެ.

ޕީއެންއެފްއިން ރޭ ބޭއްވި ފްރޮންޓް އޮފީސް ޖަލްސާގައި ވާހަކަދައްކަވަމުން ރައީސް ޔާމީން ވިދާޅުވީ ވެރިކަން ހަވާލުވުމަށް ދުނިޔޭގެ އެކި ގައުމުތަކަށް ގިނަ ދަތުރު ކުރައްވާއިރު ރާއްޖޭގެ ގެއްލުނު ސަރަހައްދު ހޯދުމަށް އެއްވެސް ވާހަކައެއް ދައްކާފައި ނުވާ ކަމަށެވެ.

އެންމެ ކުޑަމިނުން މޮރިޝިއަސްއަށް ތިތަން ދިނުމުގެ ކުރިން ނުވަތަ ތިކަން ކުރުމުގެ ކުރިން ތިމަންމެންގެ ހައްގެކޭ، ކަނޑުގެ ބޮޑު ސަރަހައްދެއް ރާއްޖެއަށް ގެއްލޭނެއޭ. މިކަން ކޮންސިޑަރ ކޮށްދޭށޭ. އެމީހުން އަތުގައޭ ޗާގޯސްވީ. ކަނޑުގެ ސަރަހައްދު ރާއްޖެއަށް ކަށަވަރުކޮށްދީފަ މޮރީޝިއަސްއަށް ތިތަން ދޭށޭ. އެންމެ ކުޑަމިނުން މިވަރު ކޮށްލަންވެސް އެއްވެސް މީހަކަށް އިނގިރޭސިވިލާތަށް ނުދެވުނު.

- ރައީސް ޔާމީން ވިދާޅުވިއެވެ.

މީގެ އިތުރުން، މި ކަން ކުރުމަށް އިސްނަންގަވާ އެވާހަކަފުޅު ދެއްކެވީ ފަތުރުވެރިކަމާއި ބެހޭ ވަޒީރު ފައިސަލް އިބްރާހީމް ކަމަށާއި ނަމަވެސް ފައިސަލް ދައްކަވާ ވާހަކަ ރައީސް މުއިއްޒު އަށް އެނގިވަޑައިނުގަންނަވާ ކަމަށް ވިދާޅުވިއެވެ.

އެހެންކަމުން އަދި އިނގިރޭސީންނަށް އަމުދުން ފައިސަލް ދައްކަވާ ވާހަކަ ނޭގޭނެ ކަމަށް ވިދާޅުވެ ރައީސް ޔާމީންގެ ސަމާސާ ރައްދެއް ވަނީ ފައިސަލަށާއި ސަރުކާރަށް އަމާޒުކުރައްވާފައެވެ.

ގައުމުގެ މިނިވަންކަމާއި އިސްތިޤުލާލް ދެމެހެއްޓުމުގެ ނަމުގައި އިންޑިއާ އަށް މިފަހުން ރައީސް މުއިއްޒު ކުރެއްވި ދަތުރުފުޅުގައި ވަނީ 05 އެއްބަސްވުމެއްގައި ސޮއިކޮށް، އިންޑިއާގެ އުޅަނދުތައް ރާއްޖެއަށް ގެނައުމަށް އެއްބަސްވެފައެވެ.