"Ummah With Palestine" Event Faskohfi

" އުއްމަތް ފަލަސްތީނާއި އެކު" ނަމުގައި 2024 އޮކްޓޯބަރު 11 ވަނަ ދުވަހު ބޭއްވުމަށް ހަމަޖެހިފައި އޮތް އިވެންޓް މޫސުން ތަން ނުދިނުމުގެ ސަބަބުން ފަސްކޮށްފިއެވެ.

މި އިވެންޓް ހިންގާ ފަރާތްތަކުން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ މޫސުން ގޯސްވުމުގެ ސަބަބުން މި އިވެންޓް ފަސްކޮށްފައިވާ ކަމަށާއި މި ހަރަކާތް އޮންނާނެ ތާރީޚެއް ފަހުން އިއުލާން ކުރާނެ ކަމުގައެވެ.

Our "Ummah with Palestine" event has been postponed due to bad weather. Stay tuned for the new date announcement.#UmmahWithPalestine #FreePalestine pic.twitter.com/pBYJxNpHvm
— Youth for Unity (@y4unitymv) October 11, 2024

މި ހަރަކާތަކީ މިދިޔަ އަހަރުގެ އޮކްޓޯބަރު މަހުގެ 07 ވަނަ ދުވަހު ފަލަސްތީނާއި ދެކޮޅަށް ސަހްޔޫނީން ހިންގަމުންދާ ގަތުލުއާންމުއަށް އަހަރެއް ވުމާއި ގުޅިގެން ބޭއްވުމަށް ހަމަޖެހިފައިވާ ހަރަކާތެކެވެ.

މި ހަރަކާތްތަކުގެ މަޤްޞަދަކީ ދުނިޔޭގެ އެހެނިހެން ޤައުމުތަކުގަ ހިންގޭ ހަރަކާތްތައް ފަދައިން، ދިވެހީންގެ ހިތްތައް ފަލަސްޠީނާއެކު ދެމިއޮންނާނެކަމާއި، ދިވެހިންގެ އެއްބައިވަންތަކަން ނުގުޑާކަން ދެއްކުމަށެވެ.

ހަރަކާތުގައި ހިނގާލުމަކާ ބޮޑޫ އެއްވުމެއް އިތުރުން އާއިލީ ހަވީރެއްވެސް ބާއްވަން ނިންމާފައިވެއެވެ. އަދި ފަންޑު ފޮށި ބެހެއްޓުމަށް ވެސް ވަނީ ހަމަޖެހިފައެވެ. ހަރަކާތްތަކުން ލިބޭ ފައިސާ ފަލަސްތީނަށް ހަދިޔާ ކުރުމަށް ވަނީ ނިންމާފައެވެ.

މި ހަރަކާތުގައި ޔޫތް ފޯ ޔުނިޓީ އާ އެކު ރައިޓް މޫވްމަންޓް، ބްލަޑް ޑޯނާސް، ކޭކު ޑޯނާސް، ޝީލްޑް، ހުޅުމާލޭ ސްޕޯޓްސް ކްލަބު އަދި ދުވާފަރު އިސްލާމިކް މޫވްމަންޓް ވެސް ބައިވެރިވާ ގޮތަށް ވަނީ ހަމަޖެހިފައެވެ.