ރައީސް ޑރ މުހައްމަދު މުއިއްޒުހާ ކުޑަ ކަކުލުން ވަރު ދޫވެފައި ހުރި ވެރިއަކު އަދި ދިވެހިރާއްޖެ ދެކެފައިނުވާ ކަމަށް ވިދާޅުވެ ކުރީގެ ނައިބު ރައީސް ޑރ. މުހައްމަދު ޖަމީލުގެ ފާޑުކިޔުން އަމާޒުކުރައްވައިފިއެވެ.

ޑރ ޖަމީލު މިފަދައިން ފާޑުކިޔުން އަމާޒުކުރެއްވީ ބުރާސްފަތި ދުވަހުގެރޭ ޕީއެންއެފް އޮފީހުގައި ބޭއްވި ޖަލްސާގައި ވާހަކަ ދައްކަވަމުންނެވެ.

ރައީސް މުއިއްޒު އިންޑިއާއަށް ވެރިކަމުގެ ކުރީކޮޅު ފާޑުކިޔުމަށް ފަހު މިހާރު އިންޑިއާއާ ގާތް ގުޅުމެއް ބާއްވަން މަސައްކަތްކުރަމުންދާ ދިއުމަށް އިޝާރާތްކުރައްވާ ޑރ. ޖަމީލު ވިދާޅުވީ، ރައީސް މުއިއްޒުހާ ޗަސްބެއް އަދި ހިތްވަރެއް ެތް ވެރިއަކު ގައުމު ދެކެފައި ނުވާ ކަމަށެވެ.

އެގޮތުން އިންޑިއާ ކުރިމަތީ ގަދަ ބަސް ބުނުމަށް ފަހު އޭގެ ފަހުން އިންޑިއާ ދަރަނީގެ ވާ ފަށަށް ދަމާލުމާ އެކު ރައީސް މުއިއްޒު ކުޑަކަކޫ މައްޗަށް ތިރިވެ ސައިޒްވެއްޖެ ކަމަށް ވެސް ޑރ. ޖަމީލު ވިދާޅުވިއެވެ.

ޑރ. ޖަމީލު އިތުރަށް ވިދާޅުވީ، ރައީސް މުއިއްޒުަކީ ބަހާ އަމަލާ ދިމާ ނުވާ ބޭފުޅެއް ކަމަށާ ވެރިކަން ދެމެހެއްޓުމަށް ރައީސް މުއިއްޒު ކޮންމެ ފަދަ ކަމެއްވެސް ކޮށްފާނެ ކަމަށެވެ.