2023 ވަނަ އަހަރުގެ ރިޔާސީ އިންތިޚާބްގެ ވައުދާ ޚިލާފްވެއްޖެކަމަށް ބުނެ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ގިނަ އާންމު މެމްބަރުންތަކެއް އެ ޕާޓީން ވަކިވެއްޖެ އެވެ.

"ތޭރަ އޮންލައިން" އަށް މައުލޫމާތު ދެމުން އެ ޕާޓީން ވަކިވި އާންމު މެމްބަރަކު ބުނީ އޭނާއާއެކު ޕާޓީން ވަރަށް ގިނަ އަދަދެއްގެ މެމްބަރުން ވަކިވިކަމަށެވެ. ވަކިވީ ކެމްޕެއިން ދުވަސްވަރު ރައްޔިތުންނަށް ވީ އެންމެ ބޮޑު ވައުދާ ހިލާފްވުމުންކަމަށް ވެސް އޭނާ ވަނީ ބުނެފައެވެ.

ރިޔާސީ އިންތިޚާބް ކާމިޔާބު ކުރުމަށްފަހު ޕީޕީއެމްގެ އާންމު މެމްބަރުން ބާކީ ކޮށްފައިވާކަމަށް ވެސް އެ ޕާޓީގެ އާންމު މެމްބަރުން ވަނީ ބުނެފައެވެ. އޭގެ އިތުރުން ޕާޓީގެ ދެ ނައިބު ރައީސުންނަށް ވެސް މުހިންމުވީ ވަޒީރުކަން ކުރުންކަމަށް ބުނެ އާންމު މެމްބަރުން އަންނަނީ ޝިޔާމް އަދި ޣައްސާނަށް ފާޑުކިޔަމުންނެވެ.

ރައީސް މުއިއްޒު ވެރިކަމަށް އައީ ޕީޕީއެމްގެ އާންމު މެމްބަރުންގެ ވޯޓާއެކުގައެވެ. ނަމަވެސް ފަހުން އެމަނިކުފާނު އަދި މަޖިލިސް ރައީސް އަދުރޭ ވަނީ ޕީޕީއެމްގެ އާންމު މެމްބަރުން ޕީއެންސީއަށް ބަދަލު ކުރަންފަށާފައެވެ.

އަދި އޭގެއިތުރުން މަޖިލިސް އިންތިޚާބްގައި ވެސް ޕީޕީއެމް އިން އެއްވެސް ކެންޑިޑޭޓަކަށް ކުރިމަތިލުމުގެ ފުރުސަތުދީފައި ނުވާކަމަށް ވެސް އެ ޕާޓީގެ އާންމު މެމްބަރުން އަންނަނީ ބުނަމުންނެވެ.

ޕީޕީއެމް އުވާލުމުގެ މަސައެްކަތްތަކެއް ރައީސް މުއިއްޒު އަދި އަދުރޭ އިސްވެ ހުންނަވާ ކުރާކަމުގެ އަޑުތަކެއް ވެސް ވަނީ ފެތުރިފައެެވެ.