އެއްވެސް ތައުލީމެއް ނެތް، މަޖިލިސް ރައީސް އަދުރޭ އިންޓަ-ޕާލަމެންޓްރީ ޔޫނިއަން (އައިޕީޔޫ)ގެ އެސެމްބްލީގައި ބައިވެރިވެވަޑައިގަތުމަށް ފުރާވަޑައިގަތުމުން ގިނަ ބަޔަކު ފާޑުކިޔަންފަށައިފިއެވެ.

ސްވިޒަލެންޑުގެ ޖެނީވާގައި މި މަހުގެ 13-17 އަށް ބާއްވާ އައިޕީޔޫގެ 149 ވަނަ އެސެލްބްލީގައި އަދުރޭގެ އިތުރުން ވިލިމާލޭ ދާއިރާގެ މެންބަރު މުހައްމަދު އިސްމާއީލް، ފުވައްމުލަކު މެދު ދާއިރާ އަލީ ފަޒާދު، ހުޅުދޫ ދާއިރާގެ މެންބަރު މުހައްމަދު ޝާހިދު އަދި ކަނޑިތީމު ދާއިރާގެ މެންބަރު އަމީން ފައިސަލް ވެސް ބައިވެރިވެވަޑައިގެންނަވައެވެ.

އެހެންނަމަވެސް ފާޑުކިޔުން އަމާޒުވެފައި ވަނީ އަދުރޭއަށެވެ. އެއްވެސް ތައުލީމެއް ނެތް ބޭފުޅަކު މަޖިލީހުގެ ރައީސްގެ މަގާމުގައި ހުރެ ބޭރުގެ ގައުމަކަށް ވަޑައިގެން ރާއްޖެ ތަމްސީލު ކުރާނެތީ ގިނަ ބަޔަކު އަންނަނީ ކަންބޮޑުވުން ވެސް ފާޅުކުރަމުންނެވެ.

އެގޮތުން އެންމެ ފަހުން ވެސް އަދުރޭ ބޭރުގެ ގައުމަކަށް ވަޑައިގެން ބައިވެރިވި އެސެމްބަލީއެއްގައި ވަނީ ދިވެހިން ލިޔެގެން ވާހަކަދައްކަވާފައެވެ. އެދުވަސްވަރުގައި ވެސް އާންމުން ވަނީ ވަރަށް ބައިވަރު ވާހަކަތަކެއް މީސްމީޑިޔާގައި ދައްކާފައެވެ.

އެގޮތުން ފަތުރުވެރިކަމާ ބެހޭ ވުޒާރާގައި އަދުރޭގެ ދަރިފުޅު ފައިސަލް ވަޒީރަކަށް ހުންނަވާ ބޭރުގެ ގައުމުތަކަށް ވަޑައިގެން ރާއްޖޭގެ ރައްޔިތުން ލަދުގަންނަވާފައިވާއިރު ބައްޕާފުޅުގެ ހާލަތަކީވެސް ހަމަ އެފަދަކަމަށް ގިނަ ފަރާތްތަކުން ވަނީ ބުނެފައެވެ.

އައިޕީޔޫ އެސެމްބްލީގެ މި ފަހަރުގެ މައުލޫއަކީ ސުލުހަވެރި އަދި ދެމެހެއްޓެނިވި މުސްތަގުބަލަކަށްޓަކައި ސައިންސް، ޓެކްނޮލޮޖީ އެންޑް އިނޮވޭޝަން (އެސްޓީއައި)ގެ ބޭނުން ހިފުމެވެ.

މިފަދަ މައުލޫއުއަކަށް އަދުރޭ އަމިއްލަފުޅަށް ވާހަކަދައްކަން އެނގިވަޑައިނުގަންނަވާނެކަމަށް ބުނެ ގިނަ ބަޔަކު އަންނަނީ ފާޑުކިޔުން އަމާޒުކުރަމުންނެވެ.