ޕީޕީއެމް/ޕީއެންސީގެ ފިލޯސަފީ ކަމު ނުގޮސްގެން ގޮސް މާދުރުގައި އެއް ޒަމާނެއްގައި ހުރި މީހަކަށް އިންޑިއާ އައުޓުގެ ވާހަކަ ދައްކަން ނޭނގޭނެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ ހޯމަ ދުވަހުގެރޭ ޕީއެންއެފް އޮފީހުގައި އޮތް ޖަލްސާގައި ވާހަަކަފުޅު ދައްކަވަމުންނެވެ.

އާރްއޭސީގެ މެނޭޖިން ޑިރެކްޓަރު އަހުމަދު މުބީނު އިންޑިއާ އައުޓާ ގުުވާ ދާދި ފަހުން ދެއްކެވި ވާހަކަތަކަށް ރައްދު ދެއްވާ ރައީސް ޔާމީން ވިދާޅުވީ އެމަނިކުފާނާއެކު ޕީޕީއެމް/ޕީއެންސީގެ ޓީމުން އެ މަސައްކަތް ފަށާ މުޅި ރާއްޖޭގައި އެ ކެމްޕެއިން ކުރިއަށް ގެންދިޔައިރު މުބީން ހުރީ އޮޑިން ފުންމާލައިގެން ގޮސް މާ ދުރުގައި ކަމަށާ ހަމަ އެއާ އެކު މީގެ ކުރިން އިންޑިއާ އައުޓުގެ ވާހަކަ ދައްކާ އެ ޓީޝާޓު ރައީސް މުއިއްޒު ތުރުކުރެއްވީ މަޖްބޫރުވެވަޑައިގެން ކަމަސް ވިދާޅުވި ހުސެއިން ޝަރީފަކީ މާދުރުން ހިޖުރަ ކުރި މީހެއް ކަމަށް ވިދާޅުވެ ރައީސް ޔާމީން ވިދާޅުވީ އެކަމުގެ އެންމެ މުގުލުގައި އެމަނިކުފާނާ އެކު ތިއްބެވި ބޭފުޅުންނަށް އެ ވާހަކަ ދައްކަވަން ކެރިވަޑައިނުގެން އުޅުއްވަނީ ކީއްވެ ކަމާ މެދު ސުވާލު އުފެދޭ ކަމަށެވެ.

އިންޑިއާ އައުޓަކީ ރައްޔިތުންގެ ވޯޓު ހޯދަން ދިޔައިރު އެއީ އެބޭފުޅުންގެ ވެސް ވިސްނުން ކަމަށާއި މިހާރު ޓީވީތަކަށް "ކުޑަކުދިން" އަރުވައިގެން ކުރިން ބުނި އެތި ކެންސަލްކުރާކަމަށް ވިދާޅުވެ ރައީސް ޔާމީން ވަނީ ސަރުކާރަށް ފާޑުކިޔުން އަމާޒުކުރައްވާފައެެވެ.