228 ސިޔާސީ މުވައްޒަފުންނަށް ދެން ވަޒީފާ ދޭނީ ސަރުކާރު ކުންފުނިތަކުން ކަމަށް ހަނިމާދޫ ދާއިރާގެ މެމްބަރު އަބްދުލްޣަފޫރު މޫސާ ވިދާޅުވެއްޖެ އެވެ.

މަޖިލީހުގެ މިއަދުގެ ޖަލްސާގައި ޣަފޫރު މިފަދައިން ވިދާޅުވެފައި ވަނީ ހަތް ސްޓޭޓް މިނިސްޓަރުންނާ 43 ޑެޕިއުޓީ މިނިސްޓަރުންނާ 109 ސީނިއާ ޕޮލިޓިކަލް ޑިރެކްޓަރުންގެ އިތުރުން, 69 ޕޮލިޓިކަލް ޑިރެކްޓަރުން ވަކިކުރުމަށް ރައީސް ޑރ މުހައްމަދު މުއިއްޒު ނިންމެވުމާ ގުޅިގެންނެވެ.

ޣަފޫރު އިތުރަށް ވިދާޅުވީ ސަރުކާރަށް ލިބޭ އާމްދަނީ އިތުރުކުރުމަށް ހުރިހާ ޓެކްސްއެއް ބޮޑުކުރިޔަސް ނަފާއެއް ނުވާނެ ކަމަށާއި ސިޔާސީ މަގާމުތަކުން ވަކިކޮށް ކުންފުނިތަކަށް ހަމަ އެ މީހުން އައްޔަންކުރުމުން ދައުލަތުގެ ހަރަދު ކުޑަނުވާނެ ކަމަށެވެ.

ޣަފޫރު ވަނީ ސަރުކާރުން ދެން އެ ސިޔާސީ މަގާމްތަކުން ވަކި ކުރާނެ މީހުންނަށް ހަދާނީ އެފަދައިން ކަމަށް ވިދާޅުވެ ވަރަށް ބޮޑަށް ފާޑުވިދާޅުވެފައެވެ.