ރައީސް މުހައްމަދު މުއިއްޒުގެ އެންގުމަށް އިސްތިއުފާ ދިނުމުން، ޔޫތު މިނިސްޓްރީގެ ކުރީގެ ނައިބު މަރިޔަމް ޝިއުނާއަށް އިނާމަކަށް 40،000 ރުފިޔާގެ މަގާމެއް ދީފިކަން ހާމަވެއްޖެއެވެ.

ސަރުކާރުގެ ތެރެއިން އިސް އޮފީޝަލަކު ވަނީ މިކަން "ތޭރަ އޮންލައިން"އަށް ކަށަވަރުކޮށްދީފައެވެ. އެގޮތުން އެކަމުގެ މައުލޫމާތު ދެއްވަމުން އެ އޮފިޝަލް ވިދާޅުވީ ޝިއުނާއަށް މަގާމެއް ދީފައިވަނީ މޯލްޑިވްސް އެއާޕޯޓްސް ކޮމްޕެނީ އިން ކަމަށާ ދީފައިވާ މަގާމުގެ މުސާރައިގެ ގޮތުގައި 40،000 ރުފިޔާ ލިބޭނެ ކަމަށެވެ.

ޝިއުނާއަށް ބޮޑު މުސާރަ ހިނގާ ގޮތަށް މަގާމެއް މި ހަމަ ޖެއްސީ ދައުލަތުގެ 228 ސިޔާސީ މަގާމެއްގައި ތިބި މީހުން ދައުލަތުގެ ޚަރަދު ކުޑަކުރުމަށް ވަޒީފާއިން ވަކިކުރުމަށް ނިންމުމަށް ފަހު ކަން ފާހަގަކޮށްލެވެއެވެ.

ސަރުކާރުން ވަކި ވަކި ރައްޔިތުންނާ މެދު ތަފާތުކުރުން ގެންގުޅޭ ކަމުގެ ތުހުމަތުކުރަމުން ދަނިކޮށް ޝިއުނާއަށް މަގާމު ދިން ދިނުމާ ގުޅިގެން އެމްއޭސީއެލްގެ ބަހެއް ހޯދާލަން ކުރި މަސައްކަތް ވަނީ ކާމިޔާބުވާ ގޮތް ނުވެފައެވެ.

ޝިއުނާއަކި މިސަރުކާރުގައި ކުރިގައި ޔޫތު މިނިސްޓްރީގައި ނައިބަކަށް ހުންނަވާ އަވައްޓެރި އިންޑިއާގެ ބޮޑު ވަޒީރަށް ކުޑައި މީސް ބަސް ރައްދުކުރުމުން ނަމަކަށް ސަސްޕެންޝަންގައި ހުރެ، އެއްވެސް މަސައްކަތެއް ނުކޮށް ރައްޔިތުންގެ ފައިސާއިން އެތައް ދުވަހެއް ވަންދެން މުސާރަ ނަގަމުން ދިޔަ މީހެކެވެ.