ސަހްޔޫނީންގެ ޕާސްޕޯޓް މަނާ ކުރުމުގެ މައްސަލަ އަވަސް ކުރަން ޕީޕަލްސް ނެޝަނަލް ކޮންގްރެސް (ޕީއެންސީ) އިން ގޮވާލީ ރައްޔިތުންނަށް މަލާމާތް ކުރުމަށް ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމު ވިދާޅުވެއްޖެ އެވެ.
މީކާއިލް މިފަދައިން ވިދާޅުވެފައި ވަނީ އެމްޑީޕީގެ ޕާލިމެންޓްރީ ގްރޫޕުން ބޭއްވި ނޫސްވެރިންގެ ބައްދަލުވުމުގައެވެ.
އެގޮތުން މީކާއިލް ވިދާޅުވީ ޕީއެންސީގެ ލީޑާޝިޕްގައި ތިއްބަވާ ހުރިހާ ބޭފުޅުން ސަރުކާރުގެ އިތުރުން މަޖިލީހުގެ އިސް މަގާމުތަކުގައި ތިއްބަވާ ސަހްޔޫނީންގެ ޕާސްޕޯޓުގެ މައްސަލަ ލަސްވެއްޖެ ކަމަށް ބުނެ ރައްޔިތުންނަށް ހަޖޫ ޖެހުން ހުއްޓާލައި އެ މައްސަލަ އަވަސްކުރަންޖެހޭކަމަށެވެ.
މީގެ އެންމެ ހެއްވާ ކަމަކީ ޕީއެންސީގެ ރައީސްއަކީ މިހާރުގެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު. ޕީއެންސީގެ ޗެއާޕާސަނަކަށް ހުންނަވަނީ މަޖިލީހުގެ ރައީސް އަބްދުއްރަހީމް އަބްދުﷲ. ޕީއެންސީގެ ފަރާތުން 241 ކޮމިޓީގެ ޗެއާއަކަށް ހުންނަވަނީ ހަމަ އެބޭފުޅުންގެ މެންބަރެއް، ރެޑްވޭވް ސަލީމް. ޕީއެންސީގެ ސުޕަ މެޖޯރިޓީއެއް އޮންނަ ކޮމިޓީއެއް ކޮމިޓީއަކީ
މީކާއިލް ވިދާޅުވި އެވެ.
މީކާއިލް އިތުރަށް ވިދާޅުވީ ކުރިއާ ހިލާފަށް މަޖިލިސް ކައިރީ އިހުތިޖާޖް ކުރުމުގެ ފުރުސަތުވެސް ނުދެނީ ޕާސްޕޯޓު މަނާ ކުރުމުގެ މައްސަލައިގައި ސުޕަ މެޖޯރިޓީ އޮތް ފަރާތްތަކަށް ދޭނެ ޖަވާބެއް ނެތުމުން ކަމަށެވެ.
ރައްޔިތުންގެ މަޖިލީހުގެ އަގުލަބިއްޔަތަށް އަންނަ ބަދަލާ ގުޅިގެން، ރައްޔިތުންގެ އަސާސީ ހައްގަށް އަންނަ ބަދަލު ފެންނަ ކަމަށާއި މިހާރު ހައްގު ލިބެން އޮތީ 100 ފޫޓު ދުރުން ކަމަށް ވިދަޅުވެ މީކާއިލް ވަނީ ފާޑުކިޔުން އަމާޒުކުރައްވާފައެވެ.
