ގައުމީ ސަލާމަތަށް ނުރައްކާވާ ކަންކަން ކުރަމުންދާއިރު ރައީސް ޖަވާބުދާރީ ކުރުވަން ޖެހެނީ ސިފައިން ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ ހޯމަ ދުވަހުގެ ރޭ ޕީއެންއެފް ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވަނީ ގައުމުގައި އަސްކަރީ އުޅަނދު ދުއްވަން ތިބި ޕައިލެޓުން އެއް ފަރާތްކުރުމަށް ފަހު އިންޑިއާ މީހުން ގެންނަން މި ސަރުކާރުން އެއްބަސްވެފައިވާތީ އެކަމާ ނުރުހުން ފާޅުކުރައްވާފައެވެ.

ރައީސް ޔާމީން ވިދާޅުވީ ރައީސް މުއިއްޒު ގެންދަވަނީ އިންޑިއާ އެކު އެފަދަ އެއްބަސްވުނަތއްވެ ގައުމީ ސަލާމަތަށް ނުރައްކާކުރަމުން ކަމަށާ އަދި އެކަންކަމަކީ ސިފައިން ނުކުމެ ރައީސް ޖަވާބުދާރީކުރުވާ ހުއްޓުވަން ޖެހޭ ކަންކަމަށެވެ.

ރައީސް ޔާމީން ވިދާޅުވީ ގައުމީ ސަލާމަތަށް ނުރައްކާވާނެ އެއްވެސް ކަމެއް ނުކުރާނެ ކަމުގެ ވައުދާއެކު އައިސް މި ސަރުކާރު ގެންދަނީ ކުރިއަށް ވުރެ ބޮޑަށް ގައުމީ ސަލާމަތަށް ނުރައްކާވާނެ މަގުތައް ފަހިކުރަމުން ކަމަށާ ނަމަވެސް އެއިން އެއްވެސް ކަމެއްގެ ތަފްސީލު ހާމަނުކުރާކަމަށެވެ.