ރައީސް ޑރ. މުހައްމަދު މުއިއްޒުގެ އަމިއްލަ ގެކޮޅު، މ. ދިމްޔާތަކީ ރާއްޖޭ މިހާރު އޮތް ކޮރަޕްޝަންގެ ހާއްޔަށް ވައްޓާލި ކިއްލާ ކަމަށް ގާނޫނީ ވަކީލު އަލްއުސްތާޛު އާދަމް އާސިފް ވިދާޅުވެއްޖެއެވެ.
އާސިފް މިފަދައިން ވިދާޅުވެފައިވަނީ ހޯމަ ދުވަހުގެރޭ ބޭއްވި ދަ ފްރޮންޓް އޮފީސް ޖަލްސާގައި ވާހަކަ ދައްކަވަމުންނެވެ.
އާސިފް ވަނީ ގައުމުގައި މިއަދު ވެރިންގެ މެދުގައި ވައްކަން އާންމުވެފައިވާ ކަމަށާ ފާޅުގައި މިއަދު ރައީސުލްޖުމްހޫރިއްޔާ ރިޝްވަތުގެ ހުތުރު އަމަލު ހިންގަވަމުން ގެންދަވާކަމަށް ވިދާޅުވެފައެވެ.
އެގޮތުން ރައްޔިތުންގެ މަޖިލީހުގެ މެމްބަރުންނަށް ވެސް ފައިސާގެ އަދަދުތައް މުސާރައިގެ ބޭރުން ރައީސް މުއިއްޒު ދެއްވާކަން ހާމަކުރައްވާ އާސިފް ވިދާޅުވީ، އޭގެ އިތުރުން ވެސް ރައީސް މުއިއްޒު ގެންދަވަނީ ވެރިކަމުގެ ދިފާއުގައި ގައުމުގެ ހުރި ތަންތަން އިންޑިއާއަށް ވެސް ވިއްކަމުން ކަމަށެވެ. އެގޮތުން އިންޑިއާގެ މިލްތަރީ ބޭސްއެއް ގާއިމުކުރުމަށް ސަރުކާރުން ބިން ދޫކުރި ވާހަކަވެސް އާސިފް ވާހަގަކުރެއްވިއެވެ.
ރާއްޖޭގެ އުތުރުވެސް ވިއްކާލީ މެދު ވެސް ވިއްކާލީ، ދެކެނު ވެސް ވިއްކާލީ، ދިމްޔާތު ނޫން ހުރިހާތަނެއް އޭނަ ވިއްކާލާނެ. މިހާރުވެސް ދިމްޔާތުން ޑޮލަރު ވިއްކާކަމަށް ވަނީ. ހަގީގަތުގައި އެ ތަނަކީ އަޅުގަޑުމެންނަށް އެނގިފައި އޮތް ގޮތުގައި ކޮރަޕްޝަންގެ މި ހާއްލަތަށް ގައުމު ވައްޓާލުމުގެ މައި ކިއްލާ. ދިމްޔާތު ދައުލަތަށް ނަގަން ޖެހޭ.
އާސިފް
އާސިފް ވިދާޅުވީ މި ސަރުކާރުގައި މުއިއްޒު ސްޕީޑު ބާރުކަމަށް ބުނާއިރު މި ސަރުކާރުގައި ބާރު ސްޕީޑުގައި ކުރިއަށް ދަނީ ވައްކަން ކަމަށެވެ.
