ރައީސް ޔާމީން މިނިވަން ކުރުމަށް ޑރ މުއިއްޒު ކުރި އެއްވެސް ކަމެއް ނެތް ކަމަށް ރައީސް އަބްދުﷲ ޔާމީން އަބްދުލްގައްޔޫމް އަލަށް އުފައްދަވާ ޕާޓީ ޕީޕަލްސް ނެޝެނަލް ފްރޮންޓް ( ޕީއެންއެފް ) ގެ ފަރާތުން ރައްޔިތުން މަޖިލިސް އިންތިހާބުގައި ވިލިގިލީ ދާއިރާ އަށް ކުރިމަތި ލެއްވާ އުސްތާޒް އަލީ ޝާހު ވިދާޅުވެއްޖެއެވެ.
ޝާހު މިފަދައިން ވިދާޅުވެފައިވަނީ ބުރާސްފަތި ދުވަހުގެރޭ ޗެނަލް 13 އިން ގެނަސްދޭ ޕީއެންއެފްގެ އަދާހަމަ ޕްރޮގްރާމް ގައި ވާހަކަ ދައްކަވަމުންނެވެ.
ޝާހު ވިދާޅުވީ ޑރ މުއިއްޒުގެ ވެރިކަން މިއަދާ ހަމައަށް އައި އިރުވެސް ސަރުކާރުން އަދި ހުދު ޑރ މުއިއްޒުވެސް ރައީސް ޔާމީން މިނިވަން ކުރުމަށްޓަކައި ކުރެއްވި އެއްވެސް ކަމެއް ނެތް ކަމަށެވެ.
ޑރ މުއިއްޒު ވެރިކަން މިއަދާ ހަމައަށް އައި އިރުވެސް ރައީސް ޔާމީން މިނިވަން ކުރުމަށްޓަކައި ސަރުކާރުން ކުރެވުނު، ޑރ މުއިއްޒު ކުރެއްވި އެއްވެސް ކަމެއް ނެތް
އުސްތާޒް އަލީ ޝާހު
މީގެ އިތުރުން ޝާހު ވިދާޅުވީ ޑރ މުއިއްޒުގެ ކިބައިގައި މުނާފިގުންގެ ސިފަ އެބަހުރި ކަމަށާއި ސަބަބަކީ ވައުދުވެ ވައުދު ނުފުއްދަވާތީ ކަމަށެވެ.
އެގޮތުން ޝާހު ވިދާޅުވީ ޑރ މުއިއްޒު އެންމެ ފުރަތަމަވެސް ވައުދުވީ ހުވާ ކުރަން ވަޑައިގަންނަވާނީ ރައީސް ޔާމިން މިނިވަން ކުރެއްވުމަށް ފަހު ކަމަށެވެ.
