އައު ކާރުތަކެއް ގެނެސް، ސަރުކާރުން ޓެކްސީ ވިޔަފާރިއަށް ވަންނަން އުޅޭކަމަށް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވެއްޖެ އެވެ.
އަމީން މިފަދައިން ވިދާޅުވެފައި ވަނީ ރައްޔިތުންގެ މަޖިލީހުގެ އިގްތިޞާދީ ކޮމިޓީގައި ވާހަކަ ދައްކަވަމުންނެވެ.
އެގޮތުން އަމީން ވިދާޅުވީ ސަރުކާރުން ޓެކްސީގެ ހިދުމަތް ދިނުމަށް ސަރުކާރު ހިއްސާވާ ކުންފުންޏަކާ ހަވާލު ކުރަން ނިންމާ އެ މަސައްކަތް ކުރަމުން އަންނަކަމަށެވެ.
އަދި ހިދުމަތް ދޭން ފަށާނީ މުޅިން އާ ކާރުތައް ގެނެސްގެން ކަމަށް ވެސް މިނިސްޓަރު އަމީން ވިދާޅުވިއެވެ.
އޭގެއިތުރުން އެތަކެތި ޕާކުކުރަން ބިންތައް ކަނޑައަޅާ ކުރިޔަށް އޮތް 10 ވަރަކަށް ދުވަސްތެރޭ މިނިސްޓްރީއަށް ލިބޭނެކަމަށްވެސް އަމީން ފާހަގަކުރެއްވެވި އެވެ.
ސަރުކާރުން ޓެކްސީ ވިޔަފާރިއަށް ވަދެ، ޓެކްސީ ވިޔަފާރި ކުރާ ފަރާތްތަކަށް ދަތި ކުރަން އުޅޭތީ އާންމުން އަންނަނީ ފާޑިކިޔަމުންނެވެ.
