އަންހެނުންނަކީ ބާރުވެރި ބަޔަކަށް ހައްދަވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވި ނަމަވެސް އެކަން އަމަލުން ނުފެންނަ ކަމަށް، ރައީސް އަބްދުﷲ ޔާމީން އަލަށް އުފައްދަވާ ޕާޓީ އުފެއްދުމުގައި އިސްކޮށް ހަރަކާތތްެރިވާ ނާސިރާ ރަޝާދު ވިދާޅުވެއްޖެއެވެ.
ނާސިރާ މިފަދައިން ވިދާޅުވީ، ޗެނަލް13 އިން ގެނެސްދޭ ޕީއެންއެފް އަދާހަމަ ޕްރޮގްރާމުގައި ވާހަކަ ދައްކަވަމުންނެވެ.
ނާސިރާ ވިދާޅުވީ، ނިމިގެން ދިޔަ ޕީއެންސީގެ މަޖިލިސް ޕްރައިމަރީގައި ފެނިގެން ދިޔައީ އެތައް އަންހެނުންނެއް ގޮނޑިތަކަށް ވާދަކުރެއްވި އިރުވެސް ފިރިހެން ބޭފުޅުންނަށް ގޮނޑިތައް ދޫކުރެއްވި މަންޒަރު ކަމަށާ އޭގެ ބަދަލުގައި އަންހެނުންނަށް ޚާއްޞަކޮށް ގޮނޑިތަކުގެ އަދަދެއް ކަނޑައަޅުއްވައިގެން ކުރިއަށް ގެންދަވާ ކަހަލަ އުސޫލެއް ގެންގުޅުއްވި ނަމަ ވެސް ރަގަޅުވިސް ކަމަށެވެ.
އެންމެ އަންހެން ބޭފުޅަކަށް ޕްރައިމަރީ ޓިކެޓު ލިބުނީ. ފިރިހެން ބޭފުޅުން އިސްކުރި މަންޒަރު ފެނިގެން ދިޔައީ. ހަމަ އެގޮތަށް ކުންފުނިތަކުގެ އިސް މަގާމުތައް ބަހާލިއިރުވެސް އަންހެން ބޭފުޅުންގެ އަދަދު ވަރަށް މަދު ދެއްތޯ. އެހެން ވީމަ ނެތް ބުނެވޭކަށް އަންހެނުން ބާރުވެރިކުރުވަން މަސައްކަތްކުރެއެކޭ.
ނާސިރާ
ނާސިރާ އިތުރަށް ވިދާޅުވީ ރައީސް މުއިއްޒުގެ ސަރުކާރުން ފެނިގެން ދަނީ އުއްމީދީ މަންޒަރުތަކަކަށް ވުރެ ނާއުއްމީދާ މާޔޫސްކަން ގެނުވާ ފަދަ މަންޒަރުތަކެއް ކަމަށެވެ. މިއީ ސަރުކާރު ގެންނަން ބުރަ މަސައްކަތްކުރި މީހެއްގެ ހައިސިއްޔަތުން ކަންބޮޑުވާ ކަމެއްކަމަށްވެސް ނާސިރާ ވިދާޅުވިއެވެ.
