ރައީސް އަބްދުﷲ ޔާމީން އަބްދުލް ޤައްޔޫމް އުފައްދަވާފައިވާ ސިޔާސީ ޕާޓީ ޕީޕަލްސް ނެޝަނަލް ފްރަންޓް (ޕީއެންއެފް) ގެ މިރޭގެ ޖަލްސާގައިވެސް މުޅިން އައު ކެންޑީޑޭޓުން ތަކެއް ތައާރަފްކޮށްދޭނެ ކަމަށް އެ ޕާޓީ އުފެއްދުމުގައި އިސްކޮށް ހަރަކާތްތެރިވާ ބޭފުޅެއް ކަމަށްވާ މުހައްމަދު މަލީހު ޖަމާލް ވިދާޅުވެއްޖެއެވެ.

މަލީހު މިފަދައިން ވިދާޅުވެފައިވަނީ ކުރެއްވި ޓްވީޓެއްގައެވެ.

އެގޮތުން އެޓްވީޓުގައި ވަނީ، މިރޭގެ ޖަލްސާގައިވެސް އައު ކެންޑީޑޭޓުން ތަކެއް ތަޢާރަފް ވެގެންދާނެ ކަން ހާމަކުރައްވާފައެވެ.

މި ޖަލްސާ ބޭއްވުމަށް ހަމަޖެހިފައިވަނީ، ޕީއެންއެފްގެ ފްރަންޓް އޮފީހުގައި މިރޭ 20:45 ގައެވެ.

މީގެ ކުރިން ވެސް އެޕާޓީން ވަނީ ޖަލްސާތަކެއް ބާއްވައި، އެ ޖަލްސާ ތަކުގައި އެ ޕާޓީގެ ފަރާތުން ރައްޔިތުންގެ މަޖިލީހުގެ އިންތިހާބުގައި ވާދަކުރުމަށް ޝައުގުވެރިކަން ފާޅުކުރައްވާފައިވާ ކެންޑިޑޭޓުން ތައާރަފް ވުމުގެ ފުރުސަތު ދީފައެވެ.

އެގޮތުން މިރޭގެ ޖަލްސާގައިވެސް އައު ކެންޑިޑޭޓުން ތައާރަފް ވުމަށް ވަނީ ހަމަޖެހިފައެވެ.

ރައީސް ޔާމީން އައު ސިޔާސީ ޕާޓީއެއް އުފައްދާފައި ވަނީ، އެމަނިކުފާނު ކުރިން ހުންނެވި ކޯލިޝަނުގައި ސިޔާސީ މަަސައްކަތް ކުރުމަށް އެކި އެކި ފިއްތުންތަކާއިނ ހުރަސްތައް ކުރިމަތިވުމާއި ގުޅިގެންނެވެ.