ރައީސް މުހައްމަދު މުއިއްޒުގެ ރިޔާސީ ވައުދުތައް "ޥިޝަން" އޭ ކިޔާ މިހާރު އޮޅުވާލަމުން ގެންދާ ކަމަށް ޕީއެންއެފްގެ އިސް ސަފުގައި މަސައްކަތް ކުރައްވާ ނާއިފް ޝައުކަތު ވިދާޅުވެއްޖެއެވެ.
ނާއިފް މިފަދައިން ވިދާޅުވެފައިވަނީ ރޭ ޕީއެންއެފްގެ ޖަލްސާގައި ވާހަކަ ދައްކަަވަމުންނެވެ.
ނާއިފް ވިދާޅުވީ ރަސްމާލެ ޓަނަލް އަޅާނެ ކަމަށް ރައީސް މުއިއްޒު ވެވަޑައިގެންނެވި ވައުދު، ވަޒީރު މެދުވެރިކޮށް "ވިޝަން"އަކަށް ބަދަލުކުރުވާ ރައްޔިތުންނަށް އޮޅުވާލާފައިވާ ކަމަށެވެ. ނާއިފް ތުހުމަތުކުރެއްވި ގޮތުގައި އެ ފަދަ ބޮޑެތި އޮޅުވާލުން އޮޅުވާލަމުން މި ސަރުކާރުން ގެންދަނީ ވައުދު ގޯނީގައި ހުރި ވައުދުތައް ފުއްދުމުގެ ގާބިލުކަން މި ސަރުކާރުގައި ނެތުމުންނެވެ.
މިހާރު އަޅުގަޑުމެން އެބަ ޖެހޭ ވިސްނާލަން ޑރ. މުއިއްޒު ނުވަތަ ކައްޒާބު އެ ދައްކާ ވާހަކަ ކޮން ވާހަކައެއްތޯ އޭނަގެ ވިސްނުމަކީ ހުވަފެނަކީ ބިލާހަކީ. ހަގީގަތެއް މިއަކު އޮތްކަމަކަށް މިހާރު ގަބޫލެއް ނުކުރެވޭ އެއްވެސް ރައްޔިތަކަށް. ކޮންމެ ވާހަކައެއް ދެއްކި އެދަނީ ސައިބޯނި ބޮތްކެއްހެން ފަޅައިގެން.
ނާއިފް
ނާއިފް އިތުރަށް ވިދާޅުވީ، ރައީސް މުއިއްޒު އިތުރުފުޅު ހައްދަވަމުން ގޮސް މިހާރު ރައްޔިތުން އެމަނިކުފާނަށް އިތުބާރު ނުކުރާ ކަމަށަ ދެން ރައްޔިތުންގެ އިތުބާރު ހޯއްދަވަންވެސް އެމަނިކުފާނަށް ފަސޭހަ ނުވާނެ ކަމަށެވެ.
