ހުޅުމާލޭގައި ހުންނަ ހިޔާ ޓަވަރުގެ އެޕާޓްމަންޓެއްގައި މީހަކު ރަހީނުކުރުމުގެ ތުހުމަތުގައި މިދިޔަ ބުރާސްފަތި ދުވަހުގެ ރޭ ފުލުހުން ހައްޔަރުކުރި 12 މީހުން ބަންދުގައި ބޭތިއްބުމަށް ކޯޓުން މުއްދަތު ދީފި އެވެ.

އެކަން ހިނގީ މިދިޔަ ބުރާސްފަތި ދުވަހުގެ ރޭގެ ވަގުތެއްގައި ހިޔާ H9 ޓަވަރުގެ 20 ވަނަ ފަންގިފިލާގެ 11 ވަނަ އެޕާޓްމަންޓުގަ އެވެ.

ފުލުހުން މިއަދު ބުނީ ހައްޔަރުކުރި މީހުންގެ ބަންދާ މެދު ގޮތެއް ނިންމަން އިއްޔެ ކޯޓަށް ހާޒިރުކުރުމުން ފަސް މީހެއްގެ ބަންދަށް ފަސް ދުވަސް ދިން ކަމަށެވެ. ބާކީ ހަތް މީހުންގެ ބަންދަށް ދިނީ ހަތް ދުވަސް ކަމަށް ވެސް ފުލުހުން ބުންޏެވެ.

މީހަކު ރަހީނުކޮށްގެން ގެންގުޅުނު އެޕާޓްމަންޓަކީ މަސްތުވާތަކެތި ގެންގުޅެ ވިޔަފާރި ކުރަމުން ދިޔަ ތަނެއް ކަމަށްވެސް ފުލުހުން ބުންޏެވެ.