ރައީސް އަބްދުﷲ ޔާމީން މާލެ ސަރަހއްދުގެ ބޯހިޔާ ވަހިކަމުގެ މައްސަލައަށް ގެނެސްދެއްވި ޓޯޓަލް ސޮލިއުޝަން، "ހިޔާ" މަޝްރޫއުތަކުގެ ފްލެޓު ނުނިންމާ ރައްޔިތުންނަށް ދޫކުރުމުން އެތަންތަން ނިންމަން ރައްޔިތުން އަތުން ޚަރަދުވި ފައިސާ އަނބުރާ ދޭނެ ކަމަށް ވިދާޅުވެ ރައީސް ޑރ މުހައްމަދު މުއިއްޒު ވެވަޑައިގެންނެވި ވައުދު ނުފުއްދާތީ އާންމުން ނުރުހުން ފާޅުކުރަން ފަށައިފިއެވެ.

ރައީސް ޔާމީން ރައްޔިތުންނަށް އަޅުވައްދެއްވި އެ ފްލެޓުތައް އެ ރައްޔިތަކު ބޭނުންވާ ގޮތަކަށް އެ ރައްޔިތެއްގެ ފްލެޓު ކަނޑައަޅާފައި ހުރީ ޑިޒައިންތަކެއްގެ ތެރެއިން ނިންމާ ދެއްވުމަކީ އެ މަޝްރޫއުގައި ހިމަނާފައި އޮތް ކަމެކެވެ. ނަމަވެސް ރައީސް އިބްރާހިމު މުހައްމަދު ސޯލިހުގެ ސަރުކާރުން އެތަނަށް ނިންމުމުގެ ގާބިލުކަން ނެތުމުން ރައްޔިތުނަށް ހަތަރު ފާރު ދޫކޮށްލުމުން ރައްޔިތުން އަތުން ޚަރަދުކުރަން ޖެހުނު ބޮޑު އަދަދުގެ ސަބަބުން އެތައް ރައްޔިތުންނަށް ގެއްލުންވިއިރު އެ ގެއްލުމުގެ ބަދަލު ތިމަން މަނިކުފާނުގެ ސަރުކާރެއްގައި ދެއްވާނެ ކަމަށް ރައީސް މުއިއްޒު ރިޔާސީ އިންތިހާުގެ ތެރޭގައި ވައުދުވެވަޑައިގެންނެވިއެވެ.

ނަމަވެސް ސަރުކާރުގެ ފަރާތަުން މިހާރު އެއިން ވާހަކައެއްވެސް ނުދައްކަވާތީ ރައްޔިތުން މިވަނީ އެ ވާހަކަ ދައްކަން ފަށާފައެވެ.

އެގޮތުން އެކަމަށް އިޝާރާތްކުރައްވަމުން އާންމު ރައްޔިތަކު ވަނީ މީސް މީޑިޔާގައި ނުރުހުން ފާޅުކޮށްފައެވެ.

އެމީހާ ބުނެފައިވާ ގޮތުގައި، ހިޔާ ފްލެޓްގެ ފިނިޝިން މަސައްކަތަށް ހޭދަކުރި ފައިސާގެ ބަދަލެއްގެ ގޮތުން ދެ ލައްކަ ރުފިޔާ ދޭނެކަމަށް ހުވަފެން ދައްކައިގެން ރިޔާސީ ކެމްޕޭން ތެރޭގައި ދޮގު ވައުދު ވުމަށްފަހު ވެރިކަމަށް ވަޑައިގެން ފްލެޓު ތަކުގެ ވެރިންނަށް ރައީސް މުއިއްޒު ދެއްވީ "ދޯކާ" ކަމަށެވެ.

ރައީސް މުއިއްޒު ހިޔާ ވެރިންނަށް ވީ ވައުދު ނުފުއްދާތީ އެކަމާ ނުރުހުން ފާޅުކުރަން ފަށައިފާވާއިރު ރައީސް މުއިއްޒު ވެވަޑައިގެންެވި ވައުދުތައް ނުފުއްދާތީ އެތައް ރައްޔިތުން ދަނި ނުރުހުން ފާޅުކުރަމުންނެވެ.